近年香港小姐的質素被指每下愈況，難得今年質素比以往高，但最後三甲依然被網民狂插，幸好三位港姐已練得一身好 EQ，冠軍陳庭欣以「針唔拮到肉真係唔知痛」來形容當下心情，但她自言性格樂觀，絕對接受批評。季軍莊思明當晚的鳥巢頭比其后冠更耀眼，對於網民狠批，她謂會做好本份來讓大家改觀。撰文：王崇穎髮型： HAIR of LEE Theatre服裝： M MISSONI場地提供： HARVEY NICHOLS
冠軍陳庭欣嘆心酸
新鮮出爐的《 2010年度香港小姐》冠軍陳庭欣、亞軍張秀文和季軍莊思明，當選後慘遭網民留言攻擊，陳庭欣被指笑容似翁金驊和余慕蓮的混合版，莊思明則被嘲似周啟邦的兒子周國豐，又統稱她們為豬扒港姐，連美國 CNNGo網站也報道了這個「豬扒盛會」，如此被狠批，令陳庭欣哭笑不得。
放大圖片 
陳庭欣對於被指笑容牽強，她謂會聽取意見努力改善。
放大圖片 
當選後，陳庭欣和莊思明被批醜樣，張秀文又被指爆冷，令她們不是味兒。 資料圖片
願接受批評
日前陳庭欣接受本報訪問，談到被網民圍攻時說：「如果我話心情冇影響就真係呃你，不過我比較樂觀，我都知唔係個個人都會接受到你，咁佢哋批評我嘅笑容，我咪改善自己笑嘅方式。如果成個樣都要改就真係唔得，亦都做唔到，我能力做到嘅一定會改進。」當選後經常被批評醜樣，心裏當然不好受，陳庭欣以「針唔拮到肉真係唔知痛」來形容目前心情：「以前自己係觀眾同讀者，每年港姐未必係自己心水，都會同朋友討論，但唔會上網留言批評，家自己個心會有少少酸，真係針唔拮到肉唔知痛。」
羨慕袁詠儀
在歷屆港姐中，陳庭欣最欣賞袁詠儀，更視她為學習目標。她又坦言已有拍拖年多的圈外男友，當初反對她參選，但最後轉為支持她：「當初佢都有疑問點解要去選，因為佢係圈外人。雖然家當選咗，但我對呢段感情好有信心。」
亞軍張秀文變透明
亞軍張秀文算是爆冷佳麗，連她也自覺爆冷，就如決賽當晚她謂因為自己是 15號，經常被忽略，當選後她雖免受網民狂插之苦，但形象明顯不突出，她說：「可能已經俾佢哋兩個分散晒網民嘅注意力，我反而冇咁大壓力，但我都有替佢哋唔抵。」她表示滿意比賽表現：「最開心係得到評判嘅肯定，我覺得自己笑起嚟有酒渦，畀人感覺甜啲，都係一種優點。」
放大圖片 
爆冷跑出的張秀文，自覺有酒渦和臨場表現是奪獎的原因。
放大圖片 
張秀文穿起泳衣，展現勻稱身段。 資料圖片
欣賞郭藹明
尚在求學的張秀文透露未來一年會停學，做好港姐本份，將來她希望向主持界發展。她表示最欣賞郭藹明，並說：「佢形象好健康，佢嘅氣質好代表到香港。」她又直言暫未有男友：「目前都唔係好急，寧缺勿濫。」
季軍莊思明唔 Hea
奪得季軍的莊思明當晚一個鳥巢頭和貌似周啟邦之子周國豐，令她成為是非人物，她說：「我本身識佢，佢都有 SMS畀我，叫我唔好唔開心，連佢都話唔似樣。我只係覺得批評我唔緊要，點解要講埋人哋。網民批評我當然會接受，最初都好唔開心，試過喺房度同家姐一齊喊。」
鳥巢頭有創意 放大圖片 
雖然是有錢女，莊思明強調自己絕不 hea，會盡力做好港姐職責。
當晚莊思明的鳥巢頭成為「佳話」，她說：「睇番都覺得有創意，個髮型師好鍾意試新嘢，只不過每個人接受嘅嘢唔同，我喺後台都有叫自己做花師奶，家個個都講先有話題性。」由於有家底，故被指為內定三甲，她說：「都唔係報道咁講，太睇得起我，如果有咁嘅能力，我就去買個冠軍返嚟啦，反正都係俾網民鬧。」自從爆出 08年 hea爆港姐冠軍張舒雅，令人覺得有錢女不認真，莊思明說：「我絕對唔係 hea嘅人，我會靠自己嘅表現令人改觀。」 
今屆出爐港姐冠軍陳庭欣、亞軍張秀文和季軍莊思明，當選後批評之聲不絕，她們雖然無奈，但強調會做好本份，令大家改觀。
攝影：陳慧安
留言列表
