Face 週刊 130期警鐘胸模Jessica C.勁裝假狗︰「我有計！」－明星靚相大分享☆

唔敢直望
今個月初， Jessica着全套比堅尼泳裝示範男士護膚品，港模真係冇乜邊個夠佢咁搏，其 34C、 23、 34身材加上唔夠 100磅，望落仲唔多合比例，搞到陳豪（左）當日全程唔敢正視佢。 "唔敢直望
今個月初， Jessica着全套比堅尼泳裝示範男士護膚品，港模真係冇乜邊個夠佢咁搏，其 34C、 23、 34身材加上唔夠 100磅，望落仲唔多合比例，搞到陳豪（左）當日全程唔敢正視佢。"
封面
警鐘胸模 Jessica C.勁裝假狗︰「我有計！」
2009年11月18日
正當 o靚模末路， 21歲的中美混血索模 Jessica C.（ Jessica Tess Cambensy）卻憑住葛民輝合拍的「 Canon」打印機廣告及 Wacoal內衣廣告，在短短一個月內極速彈起，由收費 880元的硬照奀模到每騷 2萬 5的上位模。
之不過走紅後，上圍有 33C的 Jessica不斷被發現早年當 model的平胸相，其變幻球身材即惹來僭建加整容疑雲， Jessica對本刊笑笑口回應：「我沒有整容，但我有『計仔』去改變，哈哈。」 Jessica口中的「辦法」，原來就係裝假狗。
14歲開始在美國芝加哥做 model的中美混血模 Jessica，全名為 Jessica Tess Cambensy，媽媽係中國人， Jessica於芝加哥出生及長大， 17歲便隻身到香港及日本發展。

出手谷咪
出場前， Jessica同現場一位女模喺暗角吱吱噚咗兩句，之後 Jessica就將個胸左推右推，又將比堅尼帶向後索緊，將「警鐘」形咪咪谷到最盡。

向上拉後， Jessica再小心整理胸罩確保冇漏奶後，才放心出場。

「我有計！」（ I have my way to change.）(真實對白)

Baby身價
5呎 7吋高的 Jessica今年暑假由美國來港工作，亦只是一個拍硬照收$880元的奀模。直至上月在香港跟葛民輝拍了個 Canon打印機廣告，再加埋 Wacoal內衣廣告谷胸，即人氣急升，一個半月內騷價由約 1萬元升至 2萬 5千元。知情者說：「 Jessica嘅期去到聖誕都已經滿晒，佢都係 Canon廣告後先開始有機會行 catwalk，普通騷價仲升到 2萬 5千蚊。」直迫騷價企穩 3萬元的 Angelababy。

月賺 15萬

飲奶谷咪

最近頻頻被偷拍嘅 Jessica早前被影到同男友當街扯煙，佢話完全唔介意被狗仔隊偷怕：「已經預咗，我反而覺得好得意。加上我做番自己冇嘢要避忌，唔覺有咩問題。」香港啲 model同明星咪再睇唔開啦！《蘋果日報》圖片

Jessica人瘦胸大更惹來隆胸疑雲。最近便有報章翻舊賬，拿出 Jessica幾年前在日本當 model的平胸相，懷疑她曾隆胸。而本刊最近亦在網上發現多張 Jessica七年前初入行時的硬照，發現 Jessica當時的洗衫板身材跟現在有很明顯的分別。不過 Jessica最近接受訪問時就話自己靠飲奶豐胸。
週日（ 15日），記者拿着 Jessica早年拍下的平胸照向她求證整容傳聞， Jessica望了兩眼不願再睇落去，並以英語回應，翻譯如下：
F：《 FACE》　 J： Jessica
F：呢啲相係咪你以前影 o架？同你家樣貌同身形都好大分別喎。
J：（指着其中一張相）呢張係我 14歲時喺芝加哥影 o架。（指住另一張）呢張都係，哈哈，嗰時我塊面好肥呀。
F：咁你有冇整過容呢？
J：我冇整過容，我一直都好滿意自己身形，但我有自己嘅「計仔」去改變，但我唔會話畀你知係咩，哈哈。
搵錢預男友使
Jessica成宅男新寵，但佢就從不避談男友。 Jessica跟巴西籍 model男友 Sergio同屬 Ana R.開設的模特兒公司「 Model One」。記者一連兩日發現 Jessica都係乘公共交通工具及踎茶餐廳，生活簡樸。
上週六（ 14日）晚 9時半， Jessica跟男友首先從灣仔 Luard on the Park服務式公寓搭電車落銅鑼灣食通天開餐，翌日就孖住助手去翠華晚飯。
週日 Jessica出席活動，記者提起她男友唔及她紅，她亦話唔介意拍拖錢銀兩份用：「我十分愛佢（ Sergio），其實我哋財政獨立，不過我嘅錢即係佢嘅，佢嘅即係我，佢喺歐洲市場都好紅好多 job，佢冇使我錢。」混血女神身材惹火又體貼，港女學嘢啦。

混血戀
Jessica同巴西籍男友 Sergio兩年前在新加坡認識並撻着。上週六（ 14日），素顏戴眼鏡嘅 Jessica繑實男友坐電車到銅鑼灣，當晚二人到食通天食完飯就由銅鑼灣步行返灣仔住所，好 sweet喎。

揀絲襪
在銅鑼灣時代食通天食完飯後， Sergio陪 Jessica揀絲襪，體貼過好多港男。

齊煲碟
二人行到灣仔買咗兩隻 DVD返 Jessica租住、位於盧押道的服務式住宅煲碟；畀人知同居都冇所謂。

警鐘胸始祖甄穎珊：“比例誇張”

「其實都有好多人問過我覺唔覺得 Jessica個胸假，好老實講，我冇仔細研究過佢個胸真定假，只係覺得佢好靚。佢話佢有飲牛奶豐胸，我只可以話吸收多啲營養個人會肥啲，咁個胸自然會大啲，但佢咁瘦個胸都有 33C，比例咁誇張，哈哈，其實有可能係天生嘅，罕有啲啦！」
平胸女神
本刊在網上發現多張數年前 Jessica平胸及「扒」樣相，跟現在索爆的樣與身材相差甚遠。