孖女流產大半年Kelly二度人工受孕有咗四個月
今年初 39歲的陳慧琳（ Kelly）宣佈懷了雙胞胎女兒，不料在懷胎 5個月後流產，她與丈夫劉建浩極度傷心，兩夫妻恨再生孩子，三個月後調養好身體再試一次人工受孕，結果成功再懷孕四個多月。昨晚她出席活動時，宣佈有喜，為免生意外， Kelly幾乎要全面停工。
其他娛樂名人影片
陳慧琳 08年與相戀 16年的男友劉建浩在香港結婚後，翌年 7月就產下兒子劉昇（蝦餃仔），喜歡小孩的 Kelly計劃多生幾個，去年底人工受孕成功懷了雙胞胎，希望今年可以再做媽媽，豈料懷胎 5月雙胞女兒不保，今年 3月宣佈流產。
放大圖片 
Kelly昨晚出席活動時，公佈再度懷有身孕的喜訊，可喜可賀。
放大圖片 
Kelly穿上背心格仔長裙現身，側邊所見她的腹部已微微隆起。
疑懷有 B女
Kelly與夫婿雖經歷喪女之痛，但並沒有留下陰影，經過三個月調養好身體， 6月中 Kelly再試多一次人工受孕，成功再懷孕， Kelly非常小心保胎，現時懷胎四個多月，昨日她才夠膽公佈喜訊。昨晚她身穿露背連身裙在西九的麗思卡爾頓酒店出席 Daks活動時，穿了平底鞋的她已見小肚，現場不少記者上前祝福，但她表現低調，只說：「家過咗三個月，我先敢講出嚟。」Kelly指兩歲大的蝦餃仔太細，還未知道媽咪再懷孕，她表示：「今次再有 BB，我比老公緊張，曾經問醫生，係咪要乜都唔做得，醫生話做少少仲好，佢怕我成日喺屋企胡思亂想，所以我都會做嘢嘅！但出埠嘅工作就唔會接，最近我就推咗 20、 30個內地嘅唱歌 show，就係怕飛嚟飛去影響個胎。不過嚟緊都要拍廣告，出席一啲行行企企嘅商業活動。」問到這胎是女還是子？ Kelly說：「未知呀！」雖然她保持神秘，據悉她再選擇人工受孕都是希望可以生女，但為免外界給她太大壓力，對再懷孕一事，她其實是希望可以低調一點，不想說太多。不過今次再度懷孕，感覺跟第一胎沒有太大分別，她說：「家都係肥咗幾磅，胃口都係差唔到，又冇乜唔舒服，算係幾好啦！只不過到夜晚食完飯就會有啲攰，好想瞓！」Kelly之前演出賀歲片《八星抱喜》，問其他演員有沒有特別照顧她？ Kelly笑說：「冇呀！我都冇講畀佢哋知，呢部戲又冇動作，笑片嚟，都係笑吓、坐吓！唔想俾劇組知道後，反而要特別照顧我，咁就更加唔好意思，好彩部戲已經拍晒喇。」
放大圖片 
《首次懷孕》當時懷着 5個月蝦餃仔的 Kelly，腹大便便出席公開活動。
放大圖片 
《二度懷孕》今年初，當時懷有三個月孖胎的 Kelly在迪士尼宣佈懷孕消息。
祖兒送祝福 放大圖片 
林莉在活動上示範新裝，大騷長腿。
此外，容祖兒和鍾舒漫昨晚在電視城錄影《勁歌金曲》，對於 Kelly再懷孕，各人都替她高興。祖兒說：「無論用乜方法都好，能夠達成自己願望就夠嘞。知道佢一向心急，所以見佢好勤力，家透過傳媒恭喜 Kelly。」問到希望 Kelly生仔還是女？祖兒笑說：「輕鬆啲，生一個就夠，大家唔好擔心太多，佢識照顧自己。」鍾舒漫則表示曾有屋企人考慮人工受孕，她又說：「大家唔可以停留喺小產陰影，大家要祝福佢，我諗呢個係上天畀佢哋一份好大嘅禮物。」採訪：譚倩宜 攝影：陳順禎
放大圖片 
李亞男昨日穿上新裝出席時裝活動，不過造型密實略為失色。
放大圖片 
鬼妹仔 Alice B.穿上靚裙時表現風騷，在鏡頭前擺出不同甫士。
雖然曾經有過小產的不快經歷，但 Kelly面對記者時依然大方承認有喜。
話你知流產再懷孕 最重心理因素
陳慧琳去年人工受孕懷孖女，惜不幸胎死腹中，昨日又宣佈再度人工受孕成功，已懷孕 4個月。由流產到再懷孕前後大約 4個月，究竟在這短時間內再懷孕，會否有風險？記者昨日致電婦科醫生郭志偉了解，他說：「通常隔兩個月、或兩個周期就 OK同安全，其實最主要係心理同生理 ready到。」
放大圖片 
蝦餃仔劉昇將有妹妹陪伴，相信他必定很開心。資料圖片
至於連續做人工受孕，又會否影響成功率？郭醫生說：「唔關事嘅，因為試管嬰兒本身唔係咁穩定，都係得六分一成功。試管嬰兒比自然懷孕嘅流產率係高四至五倍，因為仲有好多因素。」 
陳慧琳在 09年誕下囝囝劉昇，出院時老公 Alex一直陪伴左右。
再做人工受孕Kelly得咗
娛樂圈喜事一浪接一浪，繼多位女星先後出嫁後，歌手陳慧琳（Kelly）成功走出小產陰霾，昨日肚凸凸宣布第三度懷孕！她還透露今次同樣是人工受孕但只是單胎，還已推Job安胎，準備迎接小生命的來臨！
年屆39歲的Kelly於年初經歷人生最痛的日子，於3月11日在Blog宣布因流產痛失孖女。眾所周知，她一直希望為劉昇（蝦餃仔）添弟妹，故在身體及精神恢復過來後，與老公劉建浩（Alex）繼續人工受孕，即使再冒作高齡產婦的危險依然大無畏，最終宣布這件超級喜訊！
Kelly昨日出席《DAKS 2012春夏女裝時裝展》時拋棄最愛的高踭鞋，穿上平底鞋及露背Halter Dress，肚凸凸到場睇騷。現場所見，她明顯升Cup，又收起平日的跳跳紮及不時用手遮肚，行路更特別小心。當記者上前恭喜時，Kelly帶點愕然，然後望望經理人及助手，隨即公布喜訊！
琳：陳慧琳 記：記者
記：有咗幾個月？
琳：其實都講得喇！
記：係咪有咗超過3個月？
琳：都係嘅！
記：今胎係仔定女？
琳：未知住，依家仲未照到，仲未去到呢個階段！
記：今次佗一個BB？
琳：係！都係人工受孕。
記：今胎會唔會好辛苦？
琳：未知住，我諗都係同第一胎差唔多！
記：之前你成日着高踭鞋，今日唔着係咪因為要特別小心？
琳：之前未見肚就冇所謂，見肚後為怕失平衡，真係驚跌親，所以改着平底鞋。
記：全家上下都知？囝囝知唔知？
琳：係呀！佢哋都好開心，但囝囝就未知。
記：囝囝仲有冇扭你抱佢？
琳：我冇抱喇！都係工人抱，佢太重真係抱唔起。
記：會唔會繼續工作？
琳：主要拍廣告。
記：咁會唔會停產？
琳：唔可以用停產嚟形容，但就推咗內地二、三十個騷，坐飛機表演嗰啲就唔會考慮喇！
暫時繼續拍戲
記：老公有冇叫你停工？
琳：冇呀！反而有問醫生使唔使成日瞓喺床度，但醫生話唔使，叫我放鬆啲同唔好緊張。我覺得間中做一、兩單OK，好過成日喺屋企亂諗。
記：拍《八星抱喜》時，其他演員知唔知你有喜？
琳：冇話畀佢哋聽呀！怕佢哋知我有咗就會就住我，我會小心啲！唔驚！主要係文戲，都係行行企企。
記：老公有冇幫你湊仔？
琳：佢幫唔到我好多，不過有幫我抱仔。依家晚上好易攰，尤其食完飯後，所以會少食多餐，唔可以食太多！
記：咁你依家喺屋企做女王？
琳：唔係，不嬲都唔興。
記：預產期幾時？
琳：唔方便透露！
整個訪問中，Kelly有問必答，難掩開心之情，經常展現笑靨。訪問完畢後，助手隨即為她蓋上披肩，以防她冷親！
第一手消息請下載on.cc東方互動iPhone / iPad / Android Apps
專案組
陳慧琳宣布人工受孕成功，懷孕超過三個月。
肚凸凸的陳慧琳獲大會厚待，全程有專人服侍。
出手護肚
陳慧琳出席活動時為免人多擠迫有閃失，全程出手護肚。
專人護駕
陳慧琳獲保安護送離開，小心為上。
陳慧琳為「蝦餃仔」添弟妹，但原來他仍未知情。（資料圖片）
陳慧琳佗孖女時甚為小心，曾被拍得往檢查。（資料圖片）
恨女恨到發燒
現年39歲的Kelly誕下大仔劉昇（蝦餃仔）後，無論言行舉止均恨再生恨到發燒！一直以來，她講明恨生女，更將囝囝紮辮扮女仔！為迎接家中即將有新成員，Kelly將衣帽間改建BB房。飲食方面，她一直勁飲奶及食鈣片，確保腹中BB健康。雖然三月時不幸流產，但她曾坦言不介意再試人工受孕：「雖然會有陰影，但唔會心急！」
等待再懷孕期間，Kelly保持樂觀心情，行動亦格外小心，出席活動時曾透露為怕子宮下垂，不會長期站立，幸得廣告商體諒，拍廣告期間讓她坐下拍攝。
雖然腹大便便，但陳慧琳為靚不惜着露背裝。
「過來人」歐陽妙芝感染喜氣想再生
陳慧琳（Kelly）一直渴望再生BB，雖然早前不幸小產，但最終恢復過來並再報喜！圈中不少曾小產的「過來人」戥她開心之餘，並送上祝福打氣。曾小產兩次的歐陽妙芝得知對方成功懷孕，高興之餘更被感染，心郁郁想再做媽咪！不過，她表示身體狀況未作好準備，故會為Kelly打氣。另一曾兩度小產的歐倩怡最近成功再做媽咪，故很明白Kelly現時的心情，得知對方再有喜即送上恭喜，但不忘叮囑她記緊不要操勞，要全面真正放鬆及休息，還有不要穿高跟鞋，最好連適量運動也不要做，同樣會為她打氣，默默支持。
歐陽妙芝得知陳慧琳有喜，心郁郁想再做媽咪！（資料圖片）
歐倩怡希望陳慧琳多多休息，放鬆心情。（資料圖片）
醫生籲多休息Relax
陳慧琳（Kelly）再度人工受孕成功，本港家庭醫生關嘉美表示最緊要多休息，減少工作，定期覆診監察進展：「佢唔好再接咁多工作，要多啲瞓喺床休息，但唔好畀上次流產搞到有陰影或者過分緊張，盡量放鬆心情！」
人工受孕一般會在母體植入兩個胚胎，若成功的話有約兩成機會懷多胞胎。不論人工或自然受孕，多胞胎的早產風險較單胞胎為高，故Kelly今次懷單胞胎，相對早產風險較低。至於價錢方面，由於人工受孕步驟繁複，費用一般逾10萬元，關醫生說：「女方驗血後靠藥物幫助去攞足夠卵子，再攞丈夫嘅精子，喺試管結合成胚胎後植入子宮，放兩個入去都臨床成功就懷到孖胎。」
關嘉美表示陳慧琳應放鬆心情，不要因流產陰影而過分緊張。
極速撫平傷痛
樂觀積極的Kelly走出年初流產陰霾，昨日宣布再度懷孕，更大方表示今次亦是人工受孕，明年初夏再做媽咪。
09年7月10日
Kelly為新婚約一年的老公Alex誕下六磅兒子劉昇，產後表示見到BB很感動，並透露以母乳餵哺。因為囝囝的下巴似蝦餃，故叫他做「蝦餃仔」。
11年1月
Kelly出席活動時透露再次懷孕，並大方表示透過人工受孕，得知腹中BB是孖女後老公非常開心。Kelly將衣帽間變身BB房，迎接小生命來臨。
11年2月初
懷孖女的Kelly穿冷外套、厚褸和平底鞋「出動」產前檢查，大方任影還透露腹中孖女很活躍，她每日推蝦餃仔出花園玩車仔當做運動。
11年03月11日
Kelly透過網誌留言：「過了人生中最難捱的一個星期」原來腹中孖胎五個多月不幸小產，並感謝家人支持及醫護人員的悉心照料。
11年04月
休養後Kelly首次出席品牌活動，談及再度懷孕時坦言會聽從醫生吩咐，並打算看中醫調理，承認有陰影但不心急。
11年11月16日
出席品牌活動的Kelly興奮地透露再次接受人工受孕成功，懷孕逾3個月，預產期明年初夏。
推Job安胎坐底失半億
陳慧琳（Kelly）昨晚宣告再度人工受孕成功，並因此推Job安胎。據知，她除了推掉近30個登台騷外，還辭演3部電影，以其「天后價」100萬元歌酬及500萬元片酬，估計賺少約4,500萬元，但Kelly不在乎：「唔緊要！生完可以再搵，依家廣告都可以照拍，我手上仲有一個廣告，最緊要簡單舒服，仲會為明年中推出嘅廣東碟錄音，坐喺度錄音唔辛苦，應付有餘，但電影就一定唔接。」
小產後再度有喜，Kelly表示會放鬆心情面對，但間中仍會出席活動，亦會按照醫生指示做運動：「依家都有做簡單伸展運動，遲啲要做瑜伽！」
Kelly 懷孕 狂 飲奶
留言列表
