小心!咪行埋嚟!（設計對白）

下個月舉行演唱會 嘅城城郭富城，上個禮拜四（十一月十日）安排傳媒去排舞室探班，見證佢苦練 嘅成果。

城城雖然舞功蓋世，但為求突破，專登花六位數字，邀請韓國天王 Rain兩位御用排舞師李昶勳及金承載，聯同自己友 Sunny Wong一齊排舞，城城話今次練舞練得好辛苦，就算簡單一個行路動作，兩位韓籍老師都要求佢出盡力跳，仲講笑話如果有人 响佢練舞 嘅時候行過，肯定會打傷對方。
每日 keep住由下晝開始練舞到凌晨兩點，腰酸骨痛在所難免，又冇時間出去做腳底按摩，唯有靠按摩椅幫手，記者問點解唔 call熊黛林做「自家骨女」，城城解釋：「我排完舞都凌晨啦，每個人都要工作，都要 瞓覺，佢（熊黛林）最近都忙拍電影。」咁又係，話晒早排城城屋企樓下俾人入屋爆格，要熊黛林半夜三更入城府，確係危險 咗 啲！


唔係講笑，城城跳舞跳到出晒力，連頸筋都走埋出嚟，難怪跳到滿頭大汗。
唔係講笑，城城跳舞跳到出晒力，連頸筋都走埋出嚟，難怪跳到滿頭大汗。

除咗有 Sunny Wong，城城再請嚟韓國天王 Rain兩位御用排舞師排舞，佢話唔擔心有阿 Rain嘅影子，仲話自己嘅舞功唔及對方。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄