我食硬你！（設計對白）

台慶頒獎禮將在下月初舉行，鄭嘉穎、謝天華被睇高一線做新科視帝。在《怒火街頭》中飾演爛笪笪律師，鄭嘉穎被指演技大躍進，加上有份主演的國內古裝劇《步步驚心》叫好叫座，帶挈人氣爆燈，「霉穎」時來運轉，每星期都有機會返內地接 job搵人仔，預料他將會取替陳豪，成為無 綫最搵錢藝人榜首。
要留住新一代金蛋，高層樂易玲出盡牙力，向公司爭取鄭嘉穎做視帝， Laughing哥只能陪跑戥人高興。

贏面大

上星期四（十一月十日），無 綫公布《萬千星輝頒獎典禮 2011》入圍名單，當中以視帝視后兩大獎項最受外界關注。準視帝十五強之中，有憑《法證先鋒 III》入圍的兩屆視帝黎耀祥，可惜劇集氣勢未有預期熱爆，三連冠機會大打折扣；至於《點解阿 Sir係阿 Sir》的陳豪以及《不速之約》的林峯，不約而同表示預 咗陪跑。
至於贏面最大，只有《怒火街頭》的「 Law霸」鄭嘉穎，以及《潛行狙擊》的 Laughing sir謝天華，據知，無 綫屬意由謝天華攞「最佳男主角」，而曾在○六年攞過視帝的鄭嘉穎，則奪得「我最喜愛的電視男角色」，希望皆大歡喜。


鄭嘉穎在新一輪網上投票中贏謝天華，佢笑笑口話，只係暫時險勝，不過，信心頗大。
鄭嘉穎在新一輪網上投票中贏謝天華，佢笑笑口話，只係暫時險勝，不過，信心頗大。
 

賺人仔

早前無綫開拍電影版《 Laughing Gor之潛罪犯》，再次請來吳鎮宇拱照謝天華，原本公司錫到出面，視帝寶座十拿九穩，但月前鄭嘉穎有份主演的大陸劇《步步驚心》大收旺場，令「霉穎」鹹魚翻生，近幾個月每個星期都有機會返內地搵真銀，單在上星期，分別到過杭州、北京及武漢出席活動，每個 job收三十萬人仔酬勞，一個星期便穩袋過百萬。鄭嘉穎時來運轉，預計有機會踢走陳豪，成為無 綫最搵錢男藝人。
唔只商演活動賺得多，還帶挈拍劇酬勞十級跳，由以往萬零蚊一集，暴升至十六萬一集。今年十月初到上海橫店拍完《深宮諜影》，便陸續有大陸電視台主動以高價邀請鄭嘉穎返國內拍劇，但他為了回港拍攝《怒火 2》，要待十二月尾才有檔期回歸祖國。事事以公司為先，寧願搵少 啲，俾足面無 綫。



謝天華忙於拍攝電影《 Laughing Gor之潛罪犯》，與吳鎮宇、惠英紅及廖啟智一班好戲之人合作。

週日在深水埗拍撞車戲，鄭嘉穎去到邊都被街坊嗌佢做視帝。「鄭嘉穎靚仔過柴九好多呀。」

武漢在武漢出席完活動，順道與當地 fans club搞聚會。

拍戲扮爬渠，鄭嘉穎加插甩褲露底鏡頭，夠晒搏命。
北京到北京出席萬寶龍周年活動，與品牌高層研究名錶。
北京到北京出席萬寶龍周年活動，與品牌高層研究名錶。
鄭嘉穎曾經得寵，後來樂易玲轉捧林峯，鄭嘉穎被迫打入冷宮。
鄭嘉穎曾經得寵，後來樂易玲轉捧林峯，鄭嘉穎被迫打入冷宮。

高層錫晒

榮登新一代金蛋，曾是高層樂易玲愛將的鄭嘉穎，憑驚人賺錢能力，再次獲寵倖，樂小姐盡全力幫鄭嘉穎爭做視帝，而另一邊廂的謝天華，幸得監製 Laughing Gor系列的另一高層梁家樹力撐，認為如果謝天華得視帝，可為下月尾上映的《 Laughing Gor之潛罪犯》造勢，對宣傳及票房有幫助。
要做視帝，高層票固然緊要，但今年無 綫玩民意，由以往睇重高層票數，改為由觀眾投票做最後決定，這對於在大陸擁有大批 fans的鄭嘉穎來說，佔盡優勢。 tvb.com的「最佳男主角」網上接受投票一個星期，最初由謝天華領先，但近日無論「最佳男主角」及「我最喜愛的電視男角色」也被鄭嘉穎爬頭成為 no.1。


今年視后，胡杏兒單挑陳法拉，有贊助商 OTO在幕後撐腰，陳法拉贏面高一線。
今年視后，胡杏兒單挑陳法拉，有贊助商 OTO在幕後撐腰，陳法拉贏面高一線。
無綫力谷胡杏兒的台慶劇《萬凰之王》，安排頒獎禮押後兩日舉行，待《萬凰》播完大結局才頒獎。
無綫力谷胡杏兒的台慶劇《萬凰之王》，安排頒獎禮押後兩日舉行，待《萬凰》播完大結局才頒獎。

陳法拉出術

女主角方面，同樣是陳法拉及胡杏兒的單打獨鬥。錫晒陳法拉的樂易玲，為打壓胡杏兒，於是在候選名單上做手腳。由於今年頒獎禮改制，每個演員只得一劇入選，大會刻意不讓胡杏兒在《怒火》中的王思苦一角入圍，反而安排《萬凰之王》的奸妃角逐視后，削弱了胡杏兒票數。
此外， OTO按摩椅是今次頒獎禮電話投票的贊助商，陳法拉身為該品牌代言人，打開投票版頁，便有廣告做宣傳，加上品牌贊助過百萬，講明要陳法拉 keep住高票數，天時地利，陳法拉贏硬。

各有各撐

視帝視后之爭轉入大直路，鄭嘉穎與謝天華各有支持藝人，不過次熱門黎耀祥及黑馬林峯也不乏藝員同事力撐，戰況愈見激烈！

視帝人選　支持藝人

鄭嘉穎　胡杏兒、苟芸慧、陳敏之、陳豪、黎耀祥
謝天華　黃宗澤、苗僑偉、郭政鴻、杜汶澤
黎耀祥　鍾嘉欣、陳茵媺、吳卓羲、林　峯
林　峯　林保怡、黎耀祥


「 Laughing系列拍咁多集，夠深入民心，贏面高啲！」
「 Laughing系列拍咁多集，夠深入民心，贏面高啲！」
「《法證 3》收視好口碑好，對祥仔一向有信心，所以揀佢！」
「《法證 3》收視好口碑好，對祥仔一向有信心，所以揀佢！」

視后人選　支持藝人

胡杏兒　林　峯、陳敏之、胡定欣、鍾嘉欣
陳法拉　謝天華、黃浩然、 MC Jin、楊　怡


「之前同杏兒合作過，覺得佢演技好好，今年《萬鳳》同《怒火》嘅角色，佢都發揮得好好。」
「之前同杏兒合作過，覺得佢演技好好，今年《萬鳳》同《怒火》嘅角色，佢都發揮得好好。」
「睇好法拉，因為佢進步咗好多，成長得好快。」
「睇好法拉，因為佢進步咗好多，成長得好快。」

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄