內地聲樂家龔琳娜首《忐忑》熱爆互聯網，成首歌唱嚟唱去都係「」、「呀」、「喲」、「噠」、「囉」幾粒音、遊走叫床同爆粗之間，加上龔琳娜七情上面嘅浮誇演繹，令《忐忑》被奉為神曲，連天后王菲都話唱唔掂，杜汶澤喺《最強囍事》企圖模仿，可惜搞笑有餘神髓欠奉。

嘴形表情夾晒

仲以為當今世上再冇神人可演繹《忐忑》，點知 Twins居然唱得掂！原來係有網民給力大惡搞，將 Twins出道多年嘅片段包括電影、 MV同節目片段剪輯， Twins嘅嘴形、表情同首歌嘅歌詞夾到離晒譜，唔知情嘅真係以為 Twins唱緊《忐忑》㖭！其實網上流傳嘅惡搞《忐忑》仲有好多，好似王喜早排拍嗰個白花油廣告，就俾網民攞咗嚟玩。咁啱王喜喺廣告度鬼咁浮誇，又「呀」又「哦」又「噗咚」，同《忐忑》嚟個 crossover簡直 fit晒。

放大圖片
網友用阿 Sa、阿嬌（圖）嘅搞鬼動作同表情自製《忐忑》ＭＶ。

網友用阿 Sa、阿嬌（圖）嘅搞鬼動作同表情自製《忐忑》ＭＶ。

放大圖片
阿 Sa

阿 Sa

王喜感覺榮幸

王喜噚日喺電話度話：「《忐忑》呢首神曲紅遍整個地球，我沾得上邊相提並論又幾有趣，好榮幸。」咁有冇 hard feeling先？王喜話：「你做嘅一啲嘢，或者人哋對品牌有感覺，先會花工夫做呢啲搞笑片段，好事嚟 o架。」講開又講，王喜個騎呢廣告仲有好多惡搞版本，有手痕網友整咗個「人肉打樁機」版，基本上係「噗咚噗咚」無限洗腦，攞嚟做鬧鐘保證 work。

放大圖片
王喜嘅白花油廣告被人改咗做「人肉打樁機」版。

王喜嘅白花油廣告被人改咗做「人肉打樁機」版。

放大圖片
龔琳娜唱嘅《忐忑》獲封為神曲。資料圖片

龔琳娜唱嘅《忐忑》獲封為神曲。資料圖片




Twins慘成網友嘅惡搞對象。資料圖片

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄