數碼相機真係取代到 DV？ Pen鏡窒、 Zoom鏡走焦，單反又要手動對焦，人玩機、定機玩人先？ SONY最近嚟個 DV大換季， 3D DV、裸視過你睇！最正係 DV合併投影功能， 3m投 60"，唔使左駁右駁，呢啲先係簡單生活態度！記者：王震遠攝影：梁細權

有白牆　即睇片 放大圖片
■ 60"投射功能，隨時大過你屋企部電視。

■ 60"投射功能，隨時大過你屋企部電視。

SONY新推 HDR-PJ30E都算落重手！高速 BIONZ影像處理器，行全高清 1,920× 1,080（ 50p/ 50i）。咪睇機仔細細，鏡頭勁玩 12倍光學變焦， 17倍數碼延長遠攝，拍景點影人、 Detail位實無走雞。最大驚喜係佢整合「短投」功能，求其搵道白牆就隨時開片！ 3m距離勁投 60吋特大畫面，玩寸啲！瞓喺睡床位都可以 Look片，相信就算屋企有天價投影機者，都未嘗如此糜爛享受！做得流動影院，音效當然唔會流， HDR-PJ30E內置 5.1聲道立體聲收音咪，加上風聲減噪功能，出街拍片就算大風啲都唔會有「沙沙」聲。播放器仲配備 Clear Phase同 S-Master數碼放大器，音質靚過普通 DV多多聲啦！

放大圖片
■內置 USB線收得好神秘，搵咗一輪先摷到。

■內置 USB線收得好神秘，搵咗一輪先摷到。

放大圖片
■前置 Clear Phase同 S-Master放大器，人靚聲甜。

■前置 Clear Phase同 S-Master放大器，人靚聲甜。

 

玲瓏浮凸　雙飛攝錄 放大圖片
■ HDR-TD10E售價特定<br/>發售日期： 4月

■ HDR-TD10E售價特定發售日期： 4月

普通 DV或 DC，加支孖鏡、行套軟件就話拍 3D！全新 HDR-TD10E話要釐定新標準，佢係 SONY首部 Double Full HD全高清 3D攝錄機；整個構造由雙 SONY G鏡頭、雙 Exmor R CMOS影像感測器同雙 BIONZ影像處理器所組成，乜都起雙飛，比起單鏡頭拍出嚟 3D片有強勁浮凸感。機身仲有個 Xtra Fine 3.5吋 3D觸控式芒，直接裸眼睇片連 3D眼鏡都慳番。無 3D電視嘅用家亦唔使驚住！因為佢叻在識得自動變番 2D畫面；兩支鏡頭擁有 10倍變焦兼光學防手震，自拍番套山寨《 3D肉蒲團》都仲得！

放大圖片
■兩支 SONY獨門 G鏡，立體效感當然正過單春。

■兩支 SONY獨門 G鏡，立體效感當然正過單春。

放大圖片
■ 3.5吋 3D觸屏睇 3D片，浮凸感一流！

■ 3.5吋 3D觸屏睇 3D片，浮凸感一流！

 

新手入門 3D卡片機都影 3D

DSC-TX100V擁有 16.2百萬像素， 36種靜態場景模式，屬新手入門卡片 DC。不過最正係佢一樣影到 3D相！在「 3D靜態影像」模式㩒下快門，內部就會自動拍低兩張相，計算深度後會合成為 3D相。

放大圖片
■ DSC-TX100V$3,090<br/>發售日期： 3月

■ DSC-TX100V$3,090發售日期： 3月

放大圖片
■ 3.5吋 OLED靚芒，操控全玩觸屏。

■ 3.5吋 OLED靚芒，操控全玩觸屏。

 

雙眼裸視機仔

Bloggie系列一向以細做賣點，今次推出呢款 MHS-FS3K，亦加入大熱 3D拍攝技術！ Metal感機身內藏雙鏡頭同雙影像感測器，機仔細細照拍 1,920× 1,080高清影片，同 500萬像素照片； 2.4吋背屏仲可以裸視 3D！

放大圖片
■ MHS-FS3K　售價待定<br/>發售日期： 4月

■ MHS-FS3K　售價待定發售日期： 4月

放大圖片
■鏡頭細細，相對解析度卻高。

■鏡頭細細，相對解析度卻高。

 




■ HDR-PJ30E

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄