旺角／時間：2月21日

無綫全新一輯處境喜劇《女王辦公室》終於都出街，冇耐前成班幕前演員包括吳卓羲（Ron）、杜汶澤、何韻詩、馬賽等人，去到旺角鬧市做宣傳。不過當日就唔見汪明荃（阿姐）嘅出現，辣妹細問之下，先知原來阿姐去咗外遊未返，不過阿姐始終係鎮台之寶，而且亦係劇中嘅重心人物，冇阿姐喺度壓場，點掂呀？

所以班老友就十分有諗頭，喇喇聲整番塊阿姐嘅人形紙板頂住，雖然淨係得個樣冇聲、冇動作，但係唔知點解，見到阿姐個樣喺度，連氣氛都熱鬧啲，真係無敵。不過一去到玩遊戲嘅時候，冇阿姐喺度壓吓台，原來又真係差啲。不過好彩，現場有阿Ron同阿澤喺度放笑彈，大家都知，阿澤嘅搞笑功力實在唔弱，其實好多師奶都好鍾意佢，仲話好希望阿澤可以拍多啲電視劇咁話喎。

不過都冇所謂喇，最緊要有獎抽，趁住農曆年抽番份大禮，阿姐嚟唔嚟都唔記得咗囉。當日阿Ron就真係旺到爆呀，去到最後仲竟然抽中大獎，金虎一隻！睇嚟呢個絕對係一個好開始，阿Ron嚟緊呢年，分分鐘直標上頂級一線小生之位囉，恭喜晒！


嘩，老婆大人田蕊妮唔喺身邊，老友何韻詩即時躡位磅住阿澤，使唔使咁恩愛呀？


呢班友仔真係玩得誇張，個個攞支咪走去叫阿姐講幾句，因住一陣阿姐「野蠻奶奶」上身，鞭到你哋屁股開花，同你開年呀！






阿澤嘅搞笑功力，原來已經不知不覺咁滲入師奶層，咦，大有可能，成為第二個黃子華喎。


哈！阿Ron同何韻詩一人攬住一個小妹妹，又幾鬼似一家四口喎，阿詩執到咯！


阿澤影相影到上晒癮，次次見親佢都係拎住部相機多過拖住個老婆?，唉，男人！

明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆
arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄