13/8香港機場禁區
陳山聰與超雲原本一齊步出機艙，但一見到記者即時折返。
二人商量幾秒後，超雲決定先行離開，而撇低女友的山聰，亦忍唔住回望超雲，見少一秒都唔得！
陳山聰見光即走，超雲大方一個行出去回應記者。

封面

爆攻入何家三招　超雲：山聰冇貪我錢！

34歲陳山聰與 22歲賭王三房長女何超雲，上週六(13日)突然現身香港機場，超雲更於當晚在微博公開「一家五口」合照，首度承認山聰的男友身份。
拍拖 4個月，難得賭王及三太對未來女婿非常受落，超雲樂得公開關係，上週在機場禁區接受本刊獨家訪問，對於男友被外界插爆貪錢及拋棄前妻，超雲即為男友「賤山聰」之名平反，「山聰冇貪我錢！佢唔係啲咁嘅人，如果佢真係貪我錢，我就唔會同佢一齊啦！」
本週一傍晚，兩人更與何家三房仝人齊坐直升機飛澳門晚飯直落，山聰變何家女婿，指日可待。

互動片段

超聰返港斷正

15/8上環信德
去完銅鑼灣修甲，超雲立即會合山聰，一齊搭直升機過澳門食飯。

與陳山聰孖住由英國返港的何超雲，上週六下午十二時左右步出機艙，原本與陳山聰並肩而行，但一見本刊記者即時分開，陳更一度狼狽折返機艙，刻意與超雲前後腳離開。
超雲見到記者時表現愕然，但亦非常有禮貌，又要求記者先關掉攝錄機才接受訪問。

F：《 FACE》　何：何超雲
F：你同山聰拍拖，怕唔怕人哋話佢貪你啲錢？
何：山聰冇貪我錢！佢唔係啲咁嘅人。如果佢真係貪我錢，我就唔會同佢一齊啦，我相信佢為人！我哋去歐洲玩，食嘅每一餐都係佢畀錢㗎！
F：有傳山聰為咗你同佢前妻離婚喎？
何：我一定唔係第三者！我超愛山聰！
F：其實你鍾意山聰乜？
何：佢對我好好，好真誠！唔係我都唔會公開！
F：咁佢同你之前嘅男朋友相比，有咩優勝之處？
何：佢份人好真，亦係我咁多個男友之中最錫我嘅！唔好意思，我要走喇，拜拜！