出入貝沙灣　揼本開公司　黎明力挽樂基兒
2011年09月28日

年齡相差 14年， 05年 born in Beijing黎明與鬼聲鬼氣模特兒樂基兒（ Gaile）撻着，已經震驚娛圈，唔係個個睇好。
雖然熱戀期秤不離砣，一時峇里島一時北海道，冰火交融日日癡纏；相戀 3年更於 08年在拉斯維加斯秘密註冊，婚後送樓送車送番狗，當正老婆仔似王妃一樣寵幸，直至最近竟爆出疑似小三章子怡介入， 3年婚姻亮紅燈。
換着第二 pair，例牌死口唔認兼且配合行動粉碎傳言，不過撞正呢個係敢作敢為有話直講嘅 Gaile，回應與老公仔關係現況竟然口快快答「 may be」。本刊更拍得 Gaile出入貝沙灣獨立屋，兼發現黎明最近孖住老婆開公司，天王為挽回老婆盡晒力。

[image]
月中（ 15日）黎明到北京出席品牌 Zenga活動，遇上同場嘅章子怡，當晚章發揮佢嘅拿手本領，令黎天王非常受落，成晚拖住周圍走，亦係呢張相，搞到樂基兒扯晒火。


相戀三年、結婚又三年，樂基兒一直是公認黎明入行以來唯一公開亦是最疼錫的另一半，撻着初期毫無避忌專車專人接送、熱戀時高調冰火預支蜜月、婚後亦都不時甜蜜蜜同車撐 枱腳，不過明眼人都睇到，近一年來 Gaile不僅有餡傳言次次流料、兩公婆同場恩愛買少見少，以前不怕以金句回答愛妻問題的黎天王，月中(15日)在北京出席男裝活動時竟然以：「我黎明唔需要講樂基兒做宣傳！」決絕避談 Gaile，更對曾經傳緋聞的章子怡的姣拖放電甚為受落，婚變傳聞一觸即發。


竄入貝沙灣
黎明在老家北京與 08年傳過緋聞的章子怡親密聚舊當天(15日)，已經有傳媒拍到樂基兒收拾包括畫作的大量私人物品，由上水 St. Andrew's Place豪宅搬到觀塘貨倉寄存。至本週日（ 25日）下午 5點，本刊更發現 Gaile從 St. Andrew's Place出車，直駛貝沙灣獨立屋，直至深夜仍未見她返回上水夫妻愛巢。
08年嫁作黎家婦以來，樂基兒模特兒工作買少見少，閒時更在藝術中心進修美術學位，工作野心大減。 09年更索性幫老公手打點 Amusic旗下藝人 Janice Man及 JW的形象，兼 MV美指。本來做黎明背後女人已經心滿意足的樂基兒，近日卻放風要與朋友合夥學做生意，本刊發現原來早在今年五月，黎明為逗老婆歡心，自組有限公司「昕倩」，支持老婆創業。


[image]
本月 15日，喺 Leon北上同章子怡出席活動，同日下午樂基兒就喺屋企執晒幾箱嘢由上水愛巢搬去觀塘工業區嘅貨倉。

[image]
秘開公司
Gaile話佢由 04年開始搞小生意，不過係咩生意佢唔肯多講。本刊於網上查冊發現樂基兒同黎明於今年 5月成立了一間名為昕倩的有限公司，二人亦係董事，登記地址在 Amusic觀塘總部，不過公司全數股份則由樂基兒一人獨攬。

演唱會宣傳？
黎明將於 12月舉行個唱，雖然內部認購反應甚佳，仍有人認為黎樂婚變似宣傳多過堅料，不過月中記者例牌問到與愛妻感情狀況時，黎明就話：「今時今日我唔需要搵樂基兒做宣傳，希望香港多 啲娛樂新聞！」態度冷漠。婚變消息後，黎明 Amusic旗下發言人多次表示「冇回應」，真身又不見露面，只好交給樂基兒獨力面對傳媒。
上週六(24日)，在黎明經理人陳善之陪同下，樂基兒現身又一城出席時裝活動，同平時唔同，當日陳善之顯得很緊張，不時拖實 Gaile。被問到與黎明分居一事，樂基兒竟然答道：「 May be,I don't know！全部都唔答！你要問就問佢，我淨係答自己嘅 嘢。」

[image]
今年 8月 22日 31歲生日要離港工作， 19日預祝派對見到 Gaile與黎明契姐 Ling姐於生日派對上親熱合照，不過張張相都冇黎明份。（網上圖片）

天南地北
週日，本刊發現疑似 Gaile的女子離開上水 St. Andrew's Place豪宅，經過 35分鐘車程到達南區貝沙灣，本刊記者一直守候至深夜仍未見 Gaile離開，跟婚後深閨嘅佢明顯有分別。
[image]

[image]

[image]
本週日（ 25日）本刊發現疑似 Gaile嘅女子坐上 Leon所贈嘅保母車，喺上水與 Leon同住嘅愛巢出發。

[image]
6:25pm貝沙灣獨立屋
經過約 35分鐘車程已到 黄昏， Gaile的坐駕直駛入貝沙灣三期的獨立屋。

 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄