零對白
第1集陳美詩做楊秀惠妹仔，全程企喺隔籬冇嘢講，要近鏡影楊秀惠先影到佢。
變老臨
唔只冇對白，就連企位都差過人，貴為無綫親生女，竟然同一眾老臨企埋一齊，真係陰功！
一句對白
第3集陳美詩終於有對白：「全妃娘娘你跌咗隻耳環！」之後就俾楊秀惠喝：「咁你仲唔執番佢？」得一句對白認真難撈！
胡諾言
上週三見到老孫於微博怒轟TVB時，胡諾言亦即時回應話：「認同！我都做到好灰！但為個家！頂下去！」當記者致電他提及此事，即淆底答：「唔講啦，TVB對我好好，係咁啦，拜拜！」
曹永廉
曹永廉亦感同身受於微博回應：「絕對認同！」當記者致電問及此事，同胡諾言一樣縮沙話：「講咗啦，唔再講啦，拜拜！」收線都唔切。
梁靖琪
曾經跟Macy同屬「女生宿舍」成員嘅Toby就語帶相關話：「其實做二、三線都好吖，起碼冇咁大壓力，都係咁做啫。」
宣萱坐正
宣萱最後會成為皇後，所以連化妝都變濃，個嘴畫到細曬。但首週廣管局已收到六宗投訴，其中話演員個妝太濃，唔知到時會唔會再多啲呢？
胡囧死
胡杏兒最後被陳山聰挾持，之後更被錯手殺死，而陳山聰最後亦自殺。
陳錦鴻掟孽種
胡杏兒搵陳山聰借種，可惜最後被皇上（陳錦鴻飾）發現，仲將佢哋嘅孽種掟落地。
定欣入冷宮
胡定欣在本週又吊頸、又七孔流血，更倒戈幫宣萱，原來之後亦會勾引皇上，成為另一妃嬪，可惜最後都被打入冷宮。
喪cut Macy
據知原本Macy唔只做宮女，亦有獨立故事發展。可惜最後劇本集中喺宣萱與胡杏兒爭權戲分，冇空位講Macy，更將佢做崔嬤嬤（程可為飾）個女及同杏兒的戲分刪剪，淪為大茄。
撈極唔起
陳美詩07年做無綫親生女（經理人合約），有靚樣亦有32C小導彈身材，不過發展麻麻，最搶只在《古靈精探B》着泳衣喺沙灘跑騷身材及09年台慶拋胸開夾萬。
日夜借錢
陳美詩廣告唔多，踏入2011年，就為邦民拍攝廣告特輯，喺無綫日播夜播。
台慶曬胸
09年出席《萬千星輝賀台慶》，Macy雖然開唔到夾萬，不過鏡頭不斷近鏡影佢身材，搶鏡過一班視帝視後。
水着跑步
09年於《古靈精探B》內飾演差婆，其中一幕喺沙灘跑步，身材呼之欲出，鋒頭搶過女主角郭羨妮，更成為宅男女神。 ####
上週三（2日）Macy同朱慧敏由沖繩返港，製作資源部總監樂易玲親自接機，不過就被孫耀威暗寸做騷。《蘋果日報》圖片
Macy、朱慧敏平安返港，不過接受無綫訪問期間，感觸落淚。朱慧敏下星期為新劇試造型，Macy暫時未有劇開。《蘋果日報》圖片
發生意外之後，同行嘅攝影師仲走去問朱慧敏可唔可以繼續拍攝，真係全力以赴喎。而無綫亦承認曾考慮派沈卓盈同黄智雯接力。
無綫外事部副總監曾醒明表示節目係外判公司製作，至於問到係邊間外判公司，曾生就話：「乜你有job想介紹畀呢間公司咩？」未有交代公司名稱。
於沖繩炒車後，冇乜大礙嘅陳美詩於上週三返港後即去法國醫院驗傷，男友孫耀威亦到場陪足成晚，好體貼。《蘋果日報》圖片
程可為最後會被胡杏兒喺獄中親手鍊死。而Macy戲分被刪，令佢同胡杏兒嘅對手戲都冇埋。
留言列表
