明星靚相大分享☆

拍拖多年的葉佩雯（Grace）跟郭偉亮（Eric）依然情比金堅，日前二人拍拖濕平，雖然有Swing拍檔Jerald做電燈膽，但Eric依然餵Grace食雪糕，Grace更豪買7,300元一両的冬蟲草讓男友補聲，羨煞旁人。

跟Jerald重組Swing後一直忙於工作的Eric，最近重返幕前，忙於宣傳新碟兼準備開騷，難免冷落了女友，幸而曾經當歌手的Grace絕對體諒他，毫無怨言之餘更表現體貼，早前更盛傳二人好事近。

雖然Grace未升呢做郭太，但二人拍拖多年「打風都打唔甩」，跟得女友Grace日前就陪Eric及Jerald到中環閒逛，走進一間男裝潮服店後，Grace即時化身潮流達人幫Eric揀帽，還為他揀選一件紅色褸。二人忙着試衫，被冷落的「電燈膽」Jerald無聊到走出店外打呵欠，細心的Grace發現後，即為他揀外套及帽，可見她為兩子的戰衣花盡心思。

嚴選糖水免發福

其後，他們到雪糕店買雪糕，Eric和Grace一杯雪糕­兩份食，Eric還親自餵女友，十分甜蜜。食完雪糕，他們又到海味店，Grace左揀右揀，主攻補聲又補身的冬蟲草、雪草，結果一擲千金買了7,300元一両的冬蟲草給男友，認真體貼。其後他們去甜品店食糖水，Grace和Jerald仔細研究餐牌，似乎想點選健康甜品，以免搞到身形暴脹。

音樂組

Eric（中）餵Grace食雪糕，甜蜜得羨煞旁人。

Grace跟Eric行街時如糖黐豆一樣，非常恩愛。

Grace為Eric挑選了一件紅色外套，更細心地為男友度身。

Grace（左）認真地向店員請教，為Eric選購補品。

Jerald跟Grace研究餐牌，但Eric（右）只顧棟篤企兩頭望。