FBI File

臨近年尾，又係各大電台、電視台準備派成績表嘅時候，上週五（4日）商台率先搞記招幫《叱咤樂壇頒獎禮》造勢，而新城跟尾亦於週日（6日）開記招對抗。不過商台吹雞，友好歌手楊千嬅、陳奕迅及蔡卓妍阿Sa等70位歌手個個都畀面出席，場面墟冚過新城。



雖然萬聖節一早過咗，但今年「叱咤頒獎禮」就以《Back Stage》為主題，出席歌手個個好似玩cosplay咁扮鬼扮馬，瘦到條柴嘅方大同就裝大肚扮肥佬、周柏豪就扮熊貓，搞到好似哈囉喂party咁熱鬧，而當日阿Sa就以一身青BB恐龍打扮cute爆全場。不過FBI心水清，發現阿Sa嗰身恐龍裝，原來上年模曾麗儀（Debbie）曾經以呢身同款同色嘅恐龍形象拍寫真《Inside》，仲係玩「妄攝」！啋！阿Sa索咁多，搞到要着模舊衫！商台真係大整蠱！ ####



上週出席「叱咤」記招時，阿Sa着曬恐龍裝襯Jeremy Scott×adidas熊仔鞋扮曬cute現身會場，雖然搶曬鏡，但Eason就話佢對Jeremy Scott×adidas係舊款，把口唔收！



大整蠱原來阿Sa當日套恐龍裝，係「妄攝」模Debbie上年着過嚟影寫真，商台真係大整蠱。



開口寸話完阿Sa着舊款鞋，着緊Jeremy Scott×adidas 2012春夏新款鞋嘅Eason就當眾讚自己：「我update過你（阿Sa）好多。」



北極熊今次何韻詩就唔扮男裝，以一身北極熊打扮出席，懶可愛嘅Hocc真係睇唔慣。



熊貓鬥米奇當日扮成熊貓嘅周柏豪，不斷同梳咗米奇老鼠髻嘅吳雨霏打牙骱，雖然兩個造型都好誇張，但Kary一露埋腿即贏曬。



靈堂feel會場放上花牌，加上Eason同洪卓立及C All Star全部着黑色及白色衫，睇落有啲似靈堂。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄