《職業特工隊：鬼影約章》
上映日期：12月15日
靚佬湯於高達124層嘅杜拜哈利法塔拍攝攀爬戲時，所有淩空盤旋，橫向奔跑場面都親身上陣，臨老搏到盡。
指定卡通
聖誕節屬普天同慶大日子，每年必定有幾套合家歡卡通片應節。
《開心魔法》上映日期：12月1日靚女新人吳千語對吳尊讚不絕口，而吳尊亦回禮話：「我跟她（吳千語）很投緣，戲中雖有愛情緣，但私底下我就當她是妹妹。」曲線請食檸檬喎！
除剩個bra今集主要講殭屍仔同Bella婚後生活，所以打打殺殺場面冇頭3集咁多，反而兩人大把纏綿戲，度蜜月仲走到去瀑布攬住戲水，浪漫到死。
極速有餡結婚冇耐，Bella即懷有半人半殭屍異種，而且異種成長速度快，對Bella生命有威脅，殭屍仔打算叫Bella放棄BB保命。
做咗觀音兵多年得個吉嘅狼人Taylor Lautner，收到Bella請帖後，嬲到要除衫淋雨撲熄心頭怒火，順便騷吓肌肉。
經過多次離合，殭屍仔終於娶到Bella做老婆，唔怪得Bella就算瞓緊覺都忍唔住要攬住錫，鬼咁寃氣。
結婚前，Bella就由殭屍仔細妹幫佢整靚頭髮。結婚應該好開心，但Bella一樣係黑口黑面喎！
去巴西拍攝瀑布纏綿場面時，鏡頭前2人煙韌到死、鏡頭背後Robert仔仲孭住Kristen玩得鬼咁開心，話唔係拍拖都冇人信。網上圖片
奀星拍檔
每集《職業特工隊》靚佬湯都有女拍檔協助，今次新拍檔由多演電視劇嘅Paula Patton擔任，雖然冇乜人氣，但勝在有身材，穀起胸嚟都有啲睇頭。
踢腿生硬
話明動作片，戲中靚佬湯當然要騷吓功夫，不過睇佢飛腿踢走壞人嘅功架，都好生硬。
戲中Antonio飾演嘅醫生因老婆遇交通意外燒至半死，便開始研究水火不侵嘅精製人皮。
戲中西班牙演員Blanca Suarez飾演Antonio個女，一次被色魔施暴暈倒荒野，之後Antonio見到愛女被蹂躪，極度心痛，之後誓要為愛女報仇。
戲中飾演屬「土」系魔法師嘅吳尊，唔係齋賣靚樣，仲要被人一腳伸到四腳朝天，真係陰功豬囉！
今次古仔古天樂亦有份演出其中一名魔法師，不過戲分唔夠吳尊同吳京多。
今次飾演女俠嘅周迅，拍攝時又要應付高難度動作、又要着單薄戲服捱凍，佢都呻話徐克電影唔易拍。
今次《龍門飛甲》玩3D製作，一向拍開武打片嘅李連傑話要重新學習拍攝方式，更試過拍場劍擊戲要NG 10次，老貓燒鬚。
《Laughing Gor之潛罪犯》話就話喺聖誕檔期上，但套戲都係啱啱開拍冇耐，暫時宣傳劇照欠奉。
留言列表
