陳敏之前後失守洩春光超短褲前後失守 @ 明星靚相大分享☆

熱褲上陣嘅陳敏之喺台上笑到四萬咁口，連前後失守走光都唔知。

無綫噚日喺將軍澳電視廣播城舉行「 TVB AMAZING SUMMER」活動，出席嘅有鍾嘉欣、陳敏之、賈曉晨（ JJ）、羅仲謙、黎耀祥同14位候選港姐等，眾藝人以夏日打扮現身，着咗條超短熱褲嘅敏之，上台時不慎前後失守，褲管露出豹紋內褲，後面就露咗少少屁股。事後訪問時佢起初唔信自己走光，馮仁昭畀埋相佢睇之後，佢就死撐話：「唔怕嘅，入面嗰條都襯到出面條短褲，有 pattern㗎！下次會小心啲。」

JJ講到被飛一事時失晒魂兼眼濕濕。

生日嘅朱千雪話自己唔會靠許願拎獎，而係靠實力喎！ JJ甩拖眼濕濕

慘被男友沈震軒飛起嘅 JJ，成個活動都冇乜心機，難得佢仲眼濕濕幫男方講好說話：「其實佢真係一個好好男仔，好專一，唔好寫佢花心。」兩個係咪分咗手？ JJ死口唔認拍拖，仲話大家永遠都係朋友，問到 JJ遲啲有冇機會同沈震軒一齊？佢就話：「暫時都唔會有機會，冇時間。」講講吓又將沈震軒形容為普通朋友，見 JJ思緒咁亂，睇嚟佢今次受情傷真係幾甘吓！
另外，大會神秘安排咗生日蛋糕畀噚日生日嘅候選港姐朱千雪，問佢係咪許願奪冠軍？佢就話：「我會靠實力，許願希望咁多位港姐都繼續開心。」而另一港姐卞曉帆俾人爆料家底豐厚，佢就坦白咁講身家有七位數字，仲係兩間公司嘅股東之一㖭！

敏之超短褲前後失守

無綫藝員陳敏之、鍾嘉欣及黎耀祥等昨日與14位候選港姐出席《TVB Amazing Summer》記者會介紹夏季節目，擁有42吋長腿的「索腿天后」敏之以超短褲亮相，不慎走光，前露底後露股，她笑說：「唔知走光，可能條褲太短，唔緊要啦！底褲都幾襯條短褲，襯過嚟嘅！」

適逢候選港姐朱千雪24歲生日，佳麗切蛋糕慶祝，問到是否許願奪后冠？她說：「攞獎係靠實力，盡力而為！」而25歲的卞曉帆被指有千萬身家，她否認：「我除咗開紅酒公司，仲有一間登記資產一千萬元人民幣嘅基金公司，但係有好多合夥人，我唔係大股東。」但她屈指一算後，卻自爆有七位數字身家，揚言是家人資助起步，其後靠投資賺錢。她又否認早前在跳舞比賽走光，因穿了三條打底褲。此外，尤蔭蔭在官網被網友「圍插」醜樣，有網友說：「佢冇做過嘢就唔會畀人鬧啦！」