今屆書展仲有成個月先開始,但係貿發局整個「香港書展文化活動顧問團」就一竹篙打晒一船人,唔畀 o靚模兵團宣傳寫真集,搞到一班為搶頭威嘅 o靚模頭都大埋,仲一個二個炮轟貿發局同顧問團。噚日新 8模去到旺角宣傳就輪住發炮喇, Hidy話今次係借刀殺人,覺得冇人有資格去批評其他人係低俗或者高尚,仲反問係咪喺貿發局掃地就叫高尚。

Mia彈眼光狹窄 放大圖片
新 8模本來可以借書展狂谷知名度,臨門脫腳難怪個個狂轟大會處事不公。

新 8模本來可以借書展狂谷知名度,臨門脫腳難怪個個狂轟大會處事不公。

Suki就話佢哋本寫真好生活化,唔係刻意性感,都唔係太暴露,仲話顧問團書都未睇過就判斷好奇怪。 Hazel就有陰謀論,話今次根本就係冇出寫真嘅出版社眼紅行家生意好,成件事都係商業角度喎。已為人母嘅 Mia就理性啲,佢話顧問團咁去評價佢哋,會令時下細路心胸同眼光都狹窄,作為一個家長就應該同小朋友一齊睇,而唔係隔絕咁話。

放大圖片
Chrissie即將推出喺法國拍攝嘅寫真集,但就無緣喺書展宣傳。

Chrissie即將推出喺法國拍攝嘅寫真集,但就無緣喺書展宣傳。

師妹狂轟大會,師姐周秀娜( Chrissie)就淡定得多,噚日 Chrissie喺奧海城出席預防乳癌活動,就用強勁 EQ反駁話:「我唔會對號入座,自己唔能夠代表所有人,都係希望啲 fans買完寫真見到我啫。佢哋根本就係純粹虛偽,我唔識講,我知佢哋睇番報紙,八千篇報道入面有四千幾篇關於 o靚模,如果我係佢哋顧問團第 14人,咁樣睇四千幾篇報道,我諗我都唔想見到自己同其他人,佢哋真係好慘。」


周秀娜噚日出席防治乳癌活動,批評貿發局同 13人顧問團虛偽。

arrow
arrow
    全站熱搜

    stacylife 發表在 痞客邦 留言(0) 人氣()