討論政改忽變聲討粗口劉慧卿、黃碧雲遭轟轉移視線
【本報訊】民主黨副主席劉慧卿及終極普選聯盟副召集人黃碧雲昨日出席《城巿論壇》時，至少四次無緣無故提到要「打倒粗口」，花了近三分一時間講及粗口與婦權；另一嘉賓「 80後反特權青年」成員林輝批評二人企圖以粗口言論轉移視線，掩蓋制度的不公義，主持人也按捺不住說：「任何人都唔鍾意聽到粗口，但係唔好聽咗一句粗口就當人人都同你講粗口。」記者：張嘉雯
辯論未開始，劉慧卿已先開火，說希望眾人不要說粗口；黃碧雲其後接力，最初說獲北京和港府接納的民主黨區議會改良方案爭取到五席直選及五席「類近」直選，是向普選行前一步，其間突然激動，瞪大雙眼，指向台下巿民，「有人喺網上面講要強姦劉慧卿，有人喺網上講問候我阿媽，我阿媽老人癡呆唔明你講乜啫，我係好唔高興嘅……我哋女性要起嚟，柔性抗爭……」
大叫三次黃碧雲好嘢
在旁的劉慧卿即時附和，邊拍手邊大叫三次，「黃碧雲好嘢！黃碧雲好嘢！黃碧雲好嘢！」黃碧雲轉向台下女學生，大叫「女同學努力！」有台下女生露出莫名其妙的表情，主持人謝志峰插嘴說：「網上言論要譴責，但未必係現場人士要表達嘅。」劉慧卿未有理會，反說：「女同學唔使驚呀，女同學唔使驚呀。」林輝批評二人將言語暴力過度放大，掩蓋制度暴力，「可能有人係講粗口，但有啲暴力喺議事堂入面發生，喺暗室談判內發生」。林批評，民主黨沒有堅持底線，放棄競選承諾。劉回應：「你話我哋 3月時話要 2012（雙普選），我哋係，我哋傾到最後，政府宣佈話冇晒嘢 o架喇，係咪有條路仔未閂埋道門，我哋都要去攞……係，我哋係轉咗一啲，我都相信，好多巿民贊成我哋咁做。」此時身穿黑衣、戴了口罩的維園行動成員喝倒采，又倒豎拇指以示不滿。
放大圖片 
維園行動成員穿黑衣，戴口罩以示對民主黨不滿，又批評該黨背棄競選承諾，出賣香港人。孔慶初攝
放大圖片 
維園行動成員除了喝倒采，更以手勢表達對嘉賓言論的不滿。
林輝：聽唔到有粗口 放大圖片 
被記者圍攏的劉慧卿（中），在警方開路下離開現場。
劉慧卿表示，選民若不喜歡民主黨，可以選票表達反對，又再次表示只要群眾不用粗口，大家可以溝通；林輝此時按捺不住，「卿姐可唔可以唔好不斷地抹黑，不斷地用個人操守去掩蓋成件事，我聽咗好耐，我今日成日喺度聽你哋講，你同黃碧雲兩個不斷地叫人唔好講粗口，我喺現場真係聽唔到有人講粗口。」黃碧雲卻青筋暴現，「呢啲粗口全部都係男人嘅語言嚟 o架，針對女性 o架，我哋一定要站喺女性立場，反粗口！」謝志峰此時也提出沒有觀眾說粗口。林輝要求把討論焦點集中在民主發展，要求普選聯以書面解釋與中聯辦會面的內容，黃表示會向民主黨核心成員張文光反映。 
劉慧卿（左圖）與黃碧雲（右圖）用三分一時間大談講粗口，台下大喝倒采。
劉慧卿 討論 政改 忽變 聲討 粗口 卿姐 被質：卿本佳人 奈何 作賊
留言列表
