陀 B擺酒喜亦憂Yu為周永恒腦瘤擔心到喊

周永恒（ Roy）和趙梓淇（ Yu）拍拖 6年，早前奉子成婚拉埋天窗，但日前 Roy卻發現腦生瘤，心情跌入谷底。前晚兩人在土瓜灣補擺喜酒，阿 Yu坦言當知道老公生瘤時心情是晴天霹靂，她無奈地指兩人情況十足粵語長片橋段般慘情。

其他娛樂名人影片

拍拖 6年的周永恒及趙梓淇（前名趙頌茹），早於 1月時奉子成婚，直至現在阿 Yu已懷有 3個月身孕，前晚兩人在土瓜灣補擺喜酒，以自助餐形式設宴 15圍招待親朋好友。阿 Yu穿上露肩粉紅鬆身裙加外套， Roy則穿黑西裝襯波鞋。日前發現腦生瘤的 Roy說：「我家都有啲頭痛，過多兩個月會去睇專科同再照，醫生話個瘤係天生，因為我有信仰，所以家都唔驚唔擔心。」

「好似粵語長片」 放大圖片

身為 Roy契姐的盧巧音（左）前來到賀，還送上 BB禮物。

阿 Yu則說：「第一日知時真係好擔心，簡直係晴天霹靂，十足粵語長片啲劇情，當日照完出嚟見好大陰影，唔知係乜嘢，我哋啱啱結婚又有 BB，所以我都擔心到喊。」阿 Yu又透露現在每日依然會嘔吐。當晚一對新人預計花費 10萬， Roy透露有舅父「包底」，另外原先度蜜月有人送出套票，不過現在會折現撥作為育兒費用及將來基金。 Roy又表示晚宴上會唱出一曲《愛很簡單》，他說：「我哋當日拍拖一個星期，阿 Yu就話飛我，我坐的士去佢屋企樓下等佢返嚟，自彈自唱呢首歌送畀佢，當日可能我太急，不過終於都可以喺埋一齊。」

關心妍趕造人 放大圖片

關心妍透露 6月將和老公到法國蜜月，希望屆時可以造人成功。

到賀的嘉賓有 Roy契姐盧巧音（ Candy）及關心妍（ Jade）， Candy送上 BB衫，至於 Jade被追問何時生 BB時笑說：「仲未有，不過有試 o架，又想又唔想咁，我喺 6月會去法國度蜜月，到時再試一試，睇吓得唔得，冇理由冇嘢返，如果唔得，要等一年我出完唱片同做埋演唱會。」採訪：駱華齡攝影：葉君海


Roy和阿 Yu前晚補擺喜酒，兩人暫且把不快事拋諸腦後，甜蜜錫錫。

關心妍問阿Yu攞生仔秘訣

周永恒（Roy）及趙梓淇（阿Yu）前晚舉行婚宴，筵開十五席宴請親友，好友關心妍（Jade）送上大人情給一對新人，並公開向他們請教生仔秘訣：「我同老公都有試過，但唔會刻意，因為我哋又想又唔想，有BB後擔心做唔到其他嘢，驚大住肚冇人聽我啲歌！」Jade稱稍後她會去法國度蜜月，屆時會再次造人。阿Yu對老公Roy發現腦部生了個蛛網膜水囊感到晴天霹靂，跟住就喪喊，她說幸二人有信仰，知道會平安及依靠神，很快便堅強面對！

關心妍（右）到賀阿Yu及周永恒。

而捲入陳志雲涉貪事件的無綫藝員寧進，前晚飲宴完畢後十一時乘坐友人座駕離開，全程沒有回應記者提問，最後他在土瓜灣下車轉乘的士速逃撇甩記者。

寧進

周永恒腦異樣Yu痛哭

周永恒與趙梓淇（Yu）前晚補擺喜酒，筵開15席，對於老公後腦發現生蛛網膜水囊，Yu坦言曾為此哭過：「見到張X光片上面有好大個陰影，覺得晴天霹靂，但知道神會守護我哋，所以會堅強面對！」而關心妍（圖右）及盧巧音分別送上「厚人情」及BB衫，關心妍還向他們請教生仔秘訣。