忽然1周 766期 巾幗梟雄 2 嗌價 高一倍 大咬 鄧萃雯 被削 戲份
3萬一集
上周六（ 27日），鄧萃雯出席活動時，原本笑意盈盈的她，被問到忽然抬高片酬，即時皺眉說：「我唔會答你哋問題。」邊行邊走連企定影相都唔肯。"
娛樂頂點
《巾幗 2》嗌價高一倍 大咬鄧萃雯被削戲份
2010年04月02日
《巾幗梟雄》去年收視及口碑同時報捷，台慶更擸了六個大獎。曾兩度飲恨最佳女主角大獎的鄧萃雯，終憑「四奶奶」一角成為視后。無綫食髓知味 call齊原班人馬開拍續集。
本刊收到消息，自詡視后身份的鄧萃雯，臨開拍前忽然自抬身價，由原本萬五蚊拍一集嗌高至三萬蚊。視后獅子開大口，無綫本打算即時換角，無奈早向廣告商和海外電視台公布《巾幗 2》卡士。換角不成，又要節省製作成本，惟有狂減鄧戲份，主角四奶奶隨時變配角。
皺眉扁嘴
04年鄧萃雯大熱倒灶，未能憑《金枝慾孽》「如妃」贏視后，之後《女人唔易做》的「 Hilda姐」亦敗給無綫親生女佘詩曼，不過鄧萃雯輸獎贏民心。去年台慶頒獎禮前，有網友就發起為四奶奶拉票。眾怒難犯，無綫惟有將視后獎項頒給鄧萃雯。「講到尾雯女唔係親生女，佢都知無綫原本想俾個獎楊怡（《宮心計》金鈴一角），依家自己攞咗視后，雯女覺得唔係無綫幫佢，只係群眾壓力。」知情人士說。
開鏡一拖再拖
有工作人員透露，《巾幗 2》本應在 3月 10日演員試完造型後開工，卻因鄧萃雯忽然向公司嗌高一倍價片酬而煞停。「我哋原本收到通知 10號嗰個禮拜開始拍外景，不過添哥（監製李添勝）突然同我哋講有啲麻煩，又話
budget超晒支，要傾掂數先得，可能要遲兩個禮拜先開工。」一工作人員透露。
除了幕後受影響，就連男主角黎耀祥亦要被迫押後開工，事關他和鄧萃雯有很多對手戲。據知《巾幗 2》最後要拖到 3月 25日才正式開工。當日男女主角依然冇影，第一日戲份全落在配角敖嘉年身上。對於鄧萃雯嗌高片酬阻開工，監製李添勝透過外事部回覆，承認女主角暫時未埋位，其他事情則不會回應。記者其後致電敖嘉年，他坦言：「監製之前係有同我講，頭嗰幾日係拍咗我戲份先，可能係咁，仲未見雯女埋位啦！」
《巾幗 2》上周四首日拍攝，藝員化妝通告上只見敖嘉年和其他閒角，未見男女主角。
仲未見雯女埋位！
對於鄧萃雯叫高價阻礙拍攝進度，敖嘉年在電話中說：「監製話頭幾日拍咗我嘅戲份先。」
去年黎耀祥和鄧萃雯雙雙奪視帝視后（圖），飲水思源的祥仔並無趁機加價，周三（ 31日），他出席傳媒頒獎禮活動時，對於拍檔獅子開大口，黎耀祥顯得避忌說：「呢方面我唔太清楚，不過套劇啱啱開咗幾日，拍攝都算順利。」
削 8集戲份
周三（ 31日），無綫製作資源部總監樂易玲，對於鄧萃雯嗌價高一倍，並沒有正面回應，只說：「套劇開咗啦！」隨即匆匆離去。
與無綫因簽約問題早有嫌隙的鄧萃雯，當年由於不肯做無綫「自己人」，兩度失落視后寶座。她曾說：「我哋咁大個，唔通仲簽十年約咩？我哋呢啲一年拍一、兩套劇就 OK。我使乜做親生仔女？」直至去年尾，有傳無綫為免觸怒民怨，局住頒視后獎項給鄧萃雯，當時鄧亦口頭承諾會接拍續集，誰知埋門一刻突然加高一倍片酬。「無綫同部頭藝員通常講個『信』字，好多時藝員口頭應承咗，會邊拍邊簽約，好似今次咁突然反價真係好少。其實開親劇公司通常批二、三百萬製作費，《巾幗 2》三十集，如果集集都見鄧萃雯，計落就要 90萬，差不多用咗 budget三分一，公司梗唔制啦，所以編劇咪要改劇情，希望減佢七、八集，減番廿幾萬囉！」據知黎耀祥即使攞視帝，亦肯以接近舊價（即一集不足兩萬）拍續集，相比之下，公司覺得他念舊好多。
早前鄧萃雯仍乖乖為無綫拍攝預告片段（下圖）和試造型，不過近日卻傳出她反口要加一倍片酬，拖慢《巾幗 2》拍攝進度。
雯女回應
上周六（ 27日），記者問鄧萃雯是否正與公司傾合約，她已不願多談。提到她仍未埋位拍《巾幗 2》時，她更顯得戒備，敷衍一句說：「埋咗啦！（我哋 check到呢幾日淨係拍敖嘉年喎。）我都話唔答你哋問題啦！」再問有傳她嗌價高一倍，鄧萃雯即時發：「你哋喺度扮同我傾偈，其實就想亂咁寫，我都話唔答 o架啦。」隨即轉身離開，但行了幾步，忽然變臉笑着對記者說：「唔該晒！」睇唔出她態度突變的表現，與拍劇叫價反口的速度，不相伯仲。
視后象徵式加少少
年年花旦小生均對視帝視后寶座虎視眈眈，事關一獎在手，名氣和叫價都可颷升，不過藝員知公司出手偏低，拍劇價通常冇價可講，所以只會期望靠視帝視后名氣在外接騷拍廣告賺外快。
米雪片酬不變 萬八一集
米雪 08年憑《家好月圓》奪獎時，適逢無綫宣布裁員和減薪，米雪帶頭表示願意減騷減薪。「我願意接受公司安排，最緊要拍到好劇本。」據知米雪現時維持收萬八元拍一集。
李司棋靠登台銀
李司棋 07年憑《溏心風暴》奪獎，有傳無綫以四百萬薪酬與她續約兩年。當時李說：「續約價錢 OK，不過我要求係自由度。」成為視后後更有機會與《溏心》藝員到美加、東南亞地方登台真銀。
佘詩曼拍劇收兩萬 兩萬一集
佘詩曼 06年憑《鳳凰四重奏》成雙料視后，得獎後揚言：「公司對我咁好，我一定唔會趁機加價。」
阿佘絕對冇講錯，只收約兩萬一集，但她當年登台出騷拍戲已勁賺 720萬。
黎姿冇反價
黎姿 04年被指簽約換獎，最後憑《金枝慾孽》奪視后，黎姿亦冇即時反價（包薪約兩年 300萬），無綫亦守諾言幫她在外面狂接 job，單一年計黎姿賺外快已近三百萬。
鄧萃雯獅子開大口 叫價太高戲份慘被削
《巾帼枭雄》去年收視及口碑同時報捷，台慶更拿了六個大獎。曾兩度飲恨最佳女主角大獎的鄧萃雯，終憑“四奶奶”一角成爲視後。TVB即時找原班人馬開拍續集。
記者收到消息，自诩視後身份的鄧萃雯，臨開拍前忽然自擡身價，由原本一萬五拍一集調高至三萬。視後獅子開大口，TVB本打算即時換角，無奈早向廣告商和海外電視台公布《巾帼2》陣容。換角不成，又要節省制作成本，惟有狂減鄧萃雯戲份，主角四奶奶隨時變配角。
留言列表
