本田 Stream賣得，無非一個「貪」字，貪乜？貪佢載得人多，貪佢型過人，仲有貪佢點改都得，你鍾意做華麗一族，佢裝起身嚟好睇得；要佢做街霸，佢又惡得夠嚇人。呢兩架 Stream變身後各走極端，一種生活可以有兩種態度，一個車款變出兩種風格，唔奇！記者：趙慧敏攝影：譚盈傑Model： Michelle@Pure Models
電鍍閃 Look谷貴氣 放大圖片 
■誇張尾翼、粗喉套加特色擾流，好搶。
以為揸七人車嘅人就一定係玩低調，今時今日，呢個想法絕對錯。睇吓呢部 Stream 1.8就知道。咪睇佢係上一代款，經過一系列變身大法加工，即時一身高貴 Look。可以一身貴氣，全靠用日本 Garson改裝零件同套件作內外大裝身。要知道， Garson一直以豪味見稱，一個咕閒閒哋都要幾嚿水，成車搞晒，無十萬八萬都唔使諗。部車嘅首個焦點，肯定係豎立喺車頭嘅羽毛形閃石 Garson標徽，成部車即時貴氣升級。另外，頭尾泵把、裙腳都經大改特改。電鍍裝置係升呢指定動作，除咗好閃嘅鬼面罩，車身內外都用上大量電鍍飾件，甚有 Benz E Class嘅味道。不過最討我歡心嘅設計，反而集中喺車尾，擾流器設計獨特夠搶鏡，而排氣系列無改裝，但加咗喉套，顯得勁度十足。車櫳典型日本豪氣，座椅套，窗簾清一色 D.A.D出品，加上其自家設計嘅水晶標誌，坐喺車度，仲以為自己揸緊大班車。
放大圖片 
放大圖片 
■車櫳以水晶同華麗座椅套作豪華包裝。
放大圖片 
■多輻式電鍍軨配埋輪拱嘅電鍍飾邊，搶晒鏡。
放大圖片 
■門邊手挽加仿碳纖裝飾，夠細心。
放大圖片 
■水晶羽毛徽章，媲美豪車。
放大圖片 
■裙腳都加埋電鍍邊，較少見。
改裝清單
全車 Garson電鍍包圍、鬼面罩、車尾擾流器及排氣喉嘴$30,000Garson大電鍍胎軨$20,000全車座椅套$10,000車頭 Garson標誌$1,500車廂窗廉及其他配飾$15,000合計：$76,500（價格隨日圓滙價浮動）查詢：日本仁（http://www.jpy.com.hk）
周身碳纖扮街霸 放大圖片 
■車尾一樣換誇張定風翼及粗尾喉。
要斯斯文文嘅 Stream扮富貴，固然難度唔高，不過原來佢一樣有潛質變身做惡霸，用上唔同風格嘅改裝套件，家庭味消失，街霸本色出晒！又睇睇呢部 Stream 2.0。要做真正嘅狠劈街車，當然無佢份，但型格一定搭夠。提升殺氣嘅主力係日本嘅無限配件加催谷跑味熱選——碳纖組件。車頭用一大塊碳纖頭冚搶鏡，擺到明玩跑格。泵把、擾流器當然唔少得，排氣喉亦改為粗喉，隆隆聲響通街，盡收先聲奪人之效。不過車主講明，最落本係迫力套裝，單係套煞車鋁合金卡鉗，已經萬萬聲，仲有嘅係鋁合金前後頂 Bar。要做街霸，開車反應慢過人又點得？所以除咗外觀，實力點都要有所提升先啱數。
放大圖片 
■碳纖頭冚，街霸必備。
放大圖片 
■改裝泵把頭唇，令車頭造型變得方正硬朗。
放大圖片 
■啞灰 18吋胎軨配重新打造迫力系統，升戰鬥格。
放大圖片 
■車尾都有 Bar，甚有落場 Feel。
改裝清單
碳纖頭冚$6,800頭唇$2,800擾流器$3,800鋁合金卡鉗$38,000HKS避震$13,000i-Plus點火 coil$1,600Summit鋁合金頂 Bar全套$6,00018吋鋁合金胎軨連輪胎$11,600Power Cable電子增壓線$1,200DSIS點火放大器$3,800合計：$88,600查詢： Spec-R（ 2362 8007） 
留言列表
