爛模型車升呢整色整水　－明星靚相大分享☆

喺家呢個乜都可以炒賣嘅年代，玩物未必一定喪志，反而有機會令你財富增值。就好似以前細個儲埋一大堆模型車，總會被阿媽鬧到飛起，不過今時今日，如果你肯花啲心機，玩吓改裝又或者大翻新，爛車變靚車，隨時可以幫你賺錢。記者：趙慧敏攝影：王文忠

放大圖片

變靚前後 Look 放大圖片

放大圖片

廿蚊變幾百放大圖片
■翻新模型車基本工具：鉗、螺絲批及模型油漆等。

■翻新模型車基本工具：鉗、螺絲批及模型油漆等。

家模型車玩法原來唔少，好似將架大量生產、倒模製造嘅模型車改裝到獨一無二，又或者重新打造，咁至夠潮。好似十七歲嘅 Ernest咁，要佢買架真車返嚟左改右改當然無乜可能，模型車就多多都改得起，結果呢個改車興趣，自然就放晒喺模型車身上。現時佢儲存咗幾百部模型車，雖然唔少都屬平價貨，十幾蚊都有一部，但經他改頭換面下，一部幾蚊嘅爛模型車，隨時升值至數百元。被他視為經典之作嘅，係將一部二十蚊買返嚟嘅普通貨車模型，改裝成土炮 5.5噸貨斗車。老實講，將架車改裝前後對比，除咗個殼外，其餘配件已全部改裝。「我將原來嘅車架拆走，用膠片做一個軟篷，加埋欄杆、側鏡等，將所有位置重新上油，前前後後花咗一星期時間。」結果他將這心血結晶放上網 Show Off，有人開價七百元求售，不過 Ernest一樣拒絕割愛。

升值大法

將車門拆走改成鷗翼，車櫳座椅換成不同款式。

放大圖片

停產車有景放大圖片
■買停產模型車，要留意車底生產年份及型號。

■買停產模型車，要留意車底生產年份及型號。

雖然 Ernest並非以改裝車賺錢，但他認為絕對有利可圖。除咗將車改到與別不同外，一啲停產嘅模型車就甚有升值潛力。例如 Ernest情有獨鍾嘅積架 XJ-S模型車，早於 1978年開始生產，早已停產，不過由於爸爸擁有這輛「老爺車」，所以由細至大，他已儲起近 30部，唔少係從夜冷店中撿拾回來，由於大多已經殘殘破破，「車價」不過由幾蚊至十幾蚊，不過經翻新後，現時已升值至超過 200元，升值超過十倍。「喺一般玩具店買得到梗唔值錢，要升值最好係揀已經停產嘅車，不過要搵佢哋都要花好多心機，基本上係可遇不可求。」 Ernest大談升值之道。至於另一種較能提升價值嘅方法，就要將模型車整色整水，例如原來車款並無開篷版，就將個硬頂劏開，自製開篷車，又或者將兩部同款車劏開，合併成加長版。不過由於這類改裝車都無公價參考，價值就睇放上網後買家嘅開價，價錢當然不能一概而論。不過如果要靠翻新搵錢，一定要留意除咗車價外，仲要計算模型油漆又或者要購買其他模型車拆組件使用嘅使費，成本可能稍有增加。

殘車變靚逐格睇放大圖片