前晚的保良局就職晚宴除四姨太獲仔女撐場外，諸葛梓岐（ Marie）也與男友薛嘉麟十指緊扣現身，打破二人早前鬧分手之說。問 Marie會否瞓身支持男友當總理？她笑說：「會瞓身支持佢，你哋有乜嘢就問薛總理啦。」

薛嘉麟提罵戰標汗

感情雨過天青，是哪一方先讓步？ Marie說：「做嘢為重，畀番啲空間我哋啦。」提到其答案跟陳法拉猶如倒模，都是答工作為上， Marie說：「人哋嘅嘢唔回應。」男友家人有否給她壓力？她說：「佢家人係讀書人，好通情達理。」此外，問到薛嘉麟其女友早前與陳法拉經常隔空互罵時，他有否做和事佬？他詐儍反問：「乜嘢嚟？食唔食得 o架？」又指自己面對記者滿頭大汗，他說：「你啲問題好大壓力呀，今日保良大日子，問番保良嘅嘢啦。」再問他會否做到主席便娶 Marie時，他說：「今日先至第一日咋。」 Marie是否其結婚對象？他邊抹汗邊說：「真係好熱，滴晒汗呀。」採訪：梁錦雯攝影：仇志德


左手中指戴上大粒鑽石戒指的諸葛梓岐，前晚與男友薛嘉麟十指緊扣到場。

諸葛薛嘉麟十指緊扣難捨難婚

公主上身的諸葛梓岐，日前忽然自爆與男友薛嘉麟陷分手邊緣。前晚她與男友十指緊扣高調出席活動，實行以行動力證情未變。慘做磨心的薛二少被傳媒圍攻至滿頭大汗，竟然不承認女友是結婚對象。至於被傳與諸葛梓岐不和的大哥薛世恒和女友陳法拉則因事缺席，避過同場。

前晚諸葛梓岐與男友十指緊扣到場，以行動粉碎分手謠言。

有傳Neway二少薛嘉麟因不滿女友諸葛梓岐（Marie）經常搞是搞非而提出分手，無獨有偶，Marie日前出席活動時忽然自爆感情亮紅燈，令外間揣測二人已分手。前晚保良局舉行就職活動及晚宴，首次擔任總理的薛嘉麟早上單獨出席，女友沒有現身。至晚宴活動時，他十指緊扣拖着Marie高調到場，即成為傳媒焦點。

新聞人物薛嘉麟與諸葛梓岐分開接受訪問，薛嘉麟表示被記者圍攻時「滴晒汗」。

讀書人通情達理

穿上Mtel Crishunant外套、Elietahari裙子和Fendi高跟涼鞋的Marie風騷至極，問到何以缺席早上活動？公主說：「我要瞓覺呀！（嚟支持男友？）係呀！（十指緊扣證情未變？）都開心嘅。（你男友話冇分手？）係囉，但遲啲你哋又問架啦！不過我今日嚟係支持佢，有咩問番薛總理啦！（你係咪瞓身支持佢？）係，一定會全力支持，不過佢都唔捨得我瞓身啦，做善事開心嘅！」男友公務繁忙，豈不沒時間陪伴公主？Marie笑謂：「其實我都冇時間架！（投訴？）大家咁話啦，不過做嘢係應該嘅！（上次係一號小風波？）唔想再講感情事，希望大家專注番工作，因為慈善先一齊出嚟。（邊個氹番邊個？）大家都係想工作行先，做嘢最緊要。」

問到是否想學法拉低調處理感情事？Marie說：「人哋嘅事唔講，唔回應。（有壓力？）一定有，睇吓點做囉！（咩壓力？）你哋成日問我囉！（薛家有冇壓力？）全家都係讀書人，會通情達理，不過有咩你哋問番薛總理啦！」記者問是否待男友升為主席才拉埋天窗？公主即大發牢騷：「嗱，你哋又問嘞！唔想次次出嚟都講感情事呀！」

兩人離開時保持距離，但一到自己「地頭」Neway CEO即手拖手。

扮傻唔做和事老

至於不習慣面對傳媒的薛二少，因女友關係亦被記者圍攻。問到會否做女友與法拉的和事老？他扮傻說：「和事老咩嚟架？食得架？（調停呀！佢哋有罵戰！）我做總理做得好好，保良局好齊心，不過你哋問呢啲嘢就令我好大壓力。（你唔咁高調一齊出嚟咪唔問你囉！）我壓力來自你哋嘅閃光燈。（會唔會教佢低調啲？）今日係保良局大日子，大家都係講番保良局啦，冇理由喧賓奪主！（哥哥同法拉點解冇嚟捧場？）佢哋有嘢做。（父母呢？）佢哋唔喺香港。」記者再追問是否待升為主席才和女友結婚？他沒有正面回答：「我今日先第一日做總理。（佢係咪你結婚對象？）你哋問到我滴汗，依家好熱呀！」

晚宴約十一時結束，兩人一同離開，並登上Marie早前租的七人車。期間司機想擺脫記者，一度在銅鑼灣兜圈但失敗，最後二人在Neway CEO下車，由秘道鬆人。

法拉寧返愛巢拒與諸葛同場

諸葛梓岐（Marie）前晚高調賀男友薛嘉麟榮升總理，反而薛家上下則未見蹤影。雖然薛嘉麟聲稱哥哥薛世恒與法拉因事未能出席捧場，不過本報發現法拉前日下午在文化中心出席完金像獎宣傳活動後，隨即乘坐Neway名下七人車返回男友位於九龍塘畢架山豪宅，直至凌晨時分也未有外出，可見法拉不是沒有時間，只是不想與Marie同場。

法拉前日出席完金像獎宣傳後，即坐男友公司七人車返畢架山愛巢。

事實上，法拉自與男友傳出「秘婚」後，在薛家地位遠遠超越Marie。除了正式搬往豪宅與男友共住外，出入又有公司車接送，完全當自己人看待。Marie亦不讓法拉專美，除火速租車與法拉睇齊，深明薛家愛低調的Marie，近來已少談感情事。

陳細潔人狗戀唔怕偷食

與薛嘉麟同是總理的陳細潔，前晚偕一男士出席保良局就職晚宴，問到是否新歡？她說：「唔係呀，朋友咋。（有冇拍拖？）冇呀，所以你唔見我乾乾（dry）哋咩？」問到平日是否弄狗為樂？她笑說：「佢係我愛人。（人狗戀？）同狗拍拖幾好呀，狗最忠心，係終身伴侶，唔擔心佢哋喺出面偷食。（不過狗會先行一步。）所以要照顧佢哋多啲。」問到是否認識同樣愛狗的狄娜兒子馬天如？她說：「識，不過唔熟，亦都冇一齊放過狗，但我知道佢好愛錫啲狗仔。」

陳細潔

梓岐反高潮晒恩愛玉手箝男友

諸葛梓岐（Marie）早前暗示與Neway太子爺男友薛嘉麟（Ernie）鬧分手，原來只是小情人耍花槍。繼男方親口否認分手之說後，兩人重演溫馨場面，十指緊扣地拖到實出現，證明倆口子雨過天晴，Marie的「薛家準新抱」地位不變！

撐男友首次做總理

Ernie首次出任保良局總理，身為女友的Marie自然要挺身支持。前晚，他們手拖手出席就職晚宴，談到雙方目前關係，Marie與男友口徑一致地表示：「由於就職禮太早舉行，所以沒有到場。我們沒有分手，感情都無變！今晚很開心，專誠來撐他，一齊做善事。」（身支持男友？）「一定！我全力支持，做善事人人都開心。」（會否擔心男友要兼顧事業和慈善而沒有時間拍拖？）「我都好忙，我都沒有時間拍拖。有沒有投訴？大家咁話啦！」

承認拍拖有壓力

自鬧出「分手」小風波後，Marie欲低調處理感情事。問她是否效法陳法拉「封口」？Marie即以人家的事不作回應，但言談間承認有壓力：「男友的家人全是讀書人，好通情達理，我們一齊時壓力一定有，要懂得處理，希望大家給予空間，焦點放在我們事業上。（幾時當總理夫人？）？不知怎樣答你。」

Ernie被問婚期滴汗

Ernie只獲女友撐場，他解釋因雙親不在港，而兄長薛世恒和「阿嫂」陳法拉均有工作在身，所以未能到場。問到會否為女友與「阿嫂」之間的紛爭充當和事老角色？他答非所問說：「和事老是什麼？食得嗎？我只知要當好總理之職，保良局的人很齊心，你們（傳媒）的提問令我有很大壓力。」（你有教Marie要低調嗎？）「今晚是保良局大日子，沒有理由喧賓奪主，所以不講其他。」（要等到你當主席才與Marie結婚？）「今日才第一天當總理，你們問到我滴汗，不知怎回應。」