明星靚相大分享☆

世界盃決賽周臨近，無綫、亞視和有線傾掂數，只會在數碼頻道播放四場賽事，令不法商人有機可乘，引入聲稱可盜看世界盃賽事的USB手指，但有搵笨之嫌，用家更會隨時惹官非。

在深水埗一間電腦商場，記者發現至少三間舖出售這些由內地製造的「電視手指」，價錢由二百八十至三百八十元不等，店員都以只要把它插入電腦，便可免費任睇英超賽事、全球六千條電視頻道及收聽二萬個電台作招徠，「睇晒最新球賽，睇唔到包換，遲些連世界盃都可以免費睇。」

深水埗一間電腦商場內，店員落力向記者推銷「電視手指」期間，吸引不少男士圍觀。

「電視手指」聲稱插入電腦後，可收看全球六千條電視頻道，以及收聽二萬個電台。

記者插入電腦試用，發現「手指」內置不少本地收費電視頻道，如有線體育台、新聞台及電影台等，記者click有線體育台，出現NBA賽事的畫面，但根據有線節目表，該時段應該播放桌球，原來NBA球賽純屬預先錄影片段；電影台及新聞台則接駁到無綫高清翡翠台。至於其他地區的電視頻道如廣東體育台、中央電視體育頻道，雖能正常收看，但質素時好時壞，甚至不能連線。

律師梁永鏗解釋，如「電視手指」能收看本地收費頻道，有關店舖極可能被刑事檢控；就算是轉播其他地區的免費頻道，店舖和用家亦有機會觸犯版權條例，「唔理你睇緊收費或免費頻道，只要內容有牴觸，版權持有人亦可向買賣電視手指雙方循民事索償。」

店員聲稱「電視手指」可收看最新球賽，遲些可睇埋世界盃賽事。

「電視手指」內置不少體育頻道供用家選擇，但畫面質素極差，經常出現「爛格」，甚至無故停頓。