張柏芝秘方補子宮急追女三改產期亥時誕子有玄機快週刊 614期－明星靚相大分享☆

千呼萬喚謝家「二少爺」終於5月12日（週三）亥時出世，從最初原定9號生仔，到後來謝婷婷爆阿嫂14號生，三度改產期，全因為了張柏芝的追女美夢。

據知，在高人批算下，此刻出生的「二少爺」命中註定有細妹，唔係兔女就係龍女，意味張柏芝最快今年內再有喜。為配合高人，張柏芝更放棄千萬復出利誘，加上拉姑出動「補子宮」兼生女秘方調養身子下，希望於三個月後繼續追女之旅。咁擒青，難怪四哥謝賢都笑新抱仔係「生仔機器」。

自11號（週二）傳出張柏芝秘密入院後，養和醫院瞬即成為全城焦點，近百記者於門外日夜守候，翌晚10點半，拉姑同四哥門口宣佈喜訊：「謝家第二個孫出世喇！係7磅7安士男仔，霆鋒有入產房幫手剪臍帶。」

相比08年Lucas出世時6磅5安士，細佬明顯更具「份量」，據霆鋒經理人Mani向本刊透露：「BB耳珠似拉姑，好大隻耳仔，個鼻好高，五官好出，總之係靚仔！（張柏芝身體？）好靚女！」亦有唔少玄學家揚言「二少爺」將來會比大哥更靚仔、更有成就。

生女大計

由於經歷兩度流產，故懷孕以來，張柏芝一直保持低調，生前三個月更玩閉關防意外，又被指狂食Omega 3（奧米加魚油）抑制念珠菌，「有咁耐張柏芝就驚咁耐，擔心個肚有事，又怕呢胎陀得唔好，會影響之後再生。」知情人稱。

眼見芝日夜憂心，貴為風水家族的謝家唯有再搵高人指點，「最初佢擇9號，貪日係母親節又係吉日，後來計過14號對BB將來健康更好，不過去到最後，張柏芝因為真係好想生女，高人算過，只要BB14號亥時出世，命中註定最少有一位細妹，張柏芝亦可以最快今年內有喜。」知情人續稱。

呢胎未搞掂，咁快就諗定追女，難怪四哥都話頂新抱唔順：「邊有人咁鍾意生仔？佢仲叫霆鋒俾佢食多仔丸，等佢可以一次過生6、7個，佢仲話終極目標係生夠8個。」

力拒千萬

當年有Lucas，霆鋒成功逃出頂包陰霾，憑《男兒本色》、《証人》等攀上一線男星之位，而呢位「二少爺」的腳頭亦唔差，未出世已帶挈老竇初嘗金像獎「最佳男配角」，最近更以3百萬酬勞接拍奶粉廣告，兼有多個品牌爭住贊助「二少爺」衫褲、尿片，慳返唔少。

不過謝家中身價最勁的梗係張柏芝，盛傳早於本年初已有多間電影公司向她招手，最少有3份劇本擺佢面前，恩師爾冬陞繼之前《三少爺的劍》觸礁後，再打感情牌力邀愛徒產後復出。

「雖然裏面有唔少係好劇本，但芝為生女經已好決絕咁推晒，仲講明生女前唔會考慮拍戲。」知情人透露。張柏芝4年冇拍過戲，加上慈母形象大有市場，身價已從當年二百萬急升至五百萬，但因為要生女，保守估計起碼唔見過千萬。

演戲天份 Lucas每次現身都表情多多，睇佢呢個樣幾奸，好戲過老竇。

張柏芝秘方補子宮急生女三改産期時間有玄機

千呼萬喚謝家“二少爺”終于在5月12日亥時出世，從最初原定9號生子，到後來謝婷婷爆嫂子14號生，三度改産期，全因爲了張柏芝想生女兒的美夢。

據知，在高人批算下，此刻出生的“二少爺”命中注定有妹妹，不是兔女就是龍女，意味張柏芝最快今年內再有喜。爲配合高人，張柏芝更放棄千萬複出利誘，加上拉姑出動“補子宮”兼生女兒秘方調養身子下，希望于三個月後繼續追女之旅。難怪四哥謝賢都笑她是系“生子機器”。

stacylife

明星靚相大分享☆

stacylife 發表在痞客邦留言(0) 人氣()

E-mail轉寄

明星靚相大分享☆