型格十足的鍾舒漫（Sherman）是日本菜的超級Fans，大讚日本美食有「瀛」有款，而且不算油膩，多吃也不擔心過胖，而她對「鹽水牛脷」情有獨鍾，更食到「Lam Lam脷」呢！ 身形苗條的鍾舒漫愈來愈有型，全賴多跳舞和運動外，她對食也甚為講究，Sherman直言超級鍾意食日本菜，她說：「每次同朋友食飯，大家諗食乜嘢時，我首選都係食日本菜，同埋要有適當嘅配搭，先會帶出食物嘅獨特口感，好似魚生我一定要點豉油同Wasabi。」Sherman又謂日本菜不算太過油膩，她說：「日本菜冇咁多油，啱女仔食，我特別鍾意叫小食多過叫飯，好似呢碟鹽水牛脷，鹹中帶香，而且薄身，咬落佢好爽口，係絕佳嘅佐酒小食。」 另外，Sherman亦品嘗雞肉串及冷麵：「個冷麵有青瓜、紫菜絲同粟米等，好清好好味，湯底一流，好適合大熱天時食。」問她是否拿手煮日本菜？Sherman說：「熟食嗰啲難少少，冷盤都OK，我試過整手卷，要講求技巧，都幾好玩。（開日本餐廳？）真係長做長有，因為好多香港人都鍾意食日本菜，但要諗計創新，係一門有得做嘅生意。」
★中華冷麵★
★大阪風免治雞肉串★
★鹽水牛脷★
Sherman嗜吃日本菜，更試過炮製手卷。
German
Sherman愈食愈有「瀛」，難怪身材苗條。
全站熱搜
留言列表
