想將舊車變新車，打蠟師傅猶如汽車魔術師可以為車身外殼回復光澤，但市面有好多汽車護理服務都係真正的虛有其表，亮澤一瞬即逝。對汽車美容研究成癡的 Go WAX技師 Dennis就充滿信心宣稱自家打蠟與別不同，「人哋吃喝玩樂嘅時候，我就上網搜尋世界各地汽車美容嘅新資訊同技術。」 Dennis絕對不是得個講字，他所駕來的 07年萬事得仍像新車般光亮，全因從事顏色校對工作十年的他，對色澤特別有要求，更熱愛洗車打蠟成癮，慢慢變得專業。
10小時絕不誇張
首創上門到會打蠟不單止為方便車主，真正原因是每次打蠟都起碼花 10小時，要放架車在其他地方過夜令車主不安，倒不如上門在停車場整。 10小時絕無誇張，即場示範半塊頭冚加一塊沙板都差不多兩個鐘，更經常唔抵得頸越整越多部位，叫極唔停手，連洗車都特別講究，更狠批香港人連車都未識洗，大家唔幫襯都不妨偷吓師啦！
放大圖片 
香港人最唔好就係郁啲走去將架車翻噴油，原裝漆根本好難取代，保養先係最重要！
大測試
借來無打理的舊車測試半塊頭冚，只可惜原來頭冚曾翻噴，仲要手工麻麻，令亮度先天不足，用日本 Horiba光澤計一測，只得 42度，一般新車應有 80幾至 90度。
步驟 1 放大圖片 
測溫：先用探熱計檢查車身溫度必須在 40℃以下。
步驟 2 放大圖片 
洗車：洗車最正宗的方法應該要一桶清水及一桶洗車水，先用洗車水洗車，再用清水過污布，避免污泥沙塵再次抹番上車。
放大圖片 
清水桶專誠由美國訂，底部有格用來擦污布，幫助隔走海綿上的沙粒及沉底。
步驟 3 放大圖片 
深層清潔：用泥膠捽走平日洗車洗不走的污迹，如一些鐵粉及瀝青等，「好似女人護膚咁，一定要學識深層清潔才再學保護，否則污垢只會越積越深。」
步驟 4 放大圖片 
■要用多重心轉向的偏心圓研磨機杜絕磨穿漆的機會。
拋光去紋：先用儀器將海綿表面整平，才落拋光劑用打磨機去紋，必須是細小的面積以 ZigZag形來回方向去推。
步驟 5 放大圖片 
封體及上蠟：自己研究溝出來的每層封體物質都唔同，用化妝棉上三至四層封體連結成比較穩定的封體層，隔絕車漆跟空氣的接觸，來增加光澤及通透度的持久性。最後才上一層棕櫚蠟用作保護車漆的最表面。
效果令立立 放大圖片 
■再用光澤計一測，即使翻噴的頭冚都可回復 56度。
Dennis每次幫人客做完都會再用光澤計測光保證亮度，唔只靠肉眼睇咁兒戲。
放大圖片 
■而光澤度回復至 75的沙板就好似塊鏡一樣咁亮。
放大圖片 
■無論電鍍位、燈位膠殼定皮櫳一樣可以翻新，但亦係要另外加錢。
放大圖片 
■不止噴水測試發現水珠會一粒粒，放上膠樽更滑到跣落地，大家睇片就知。
放大圖片 
■經常俾車匙刮花的手柄位淺紋亦同時去走，但深花紋當然要加錢啦。
Go WAX專業汽車美容
護理套餐：$1,880起查詢： 9670 8963/6033 1320 
留言列表
