星期日（廿二日），新片《得閒炒飯》搞宣傳活動，主要演員吳君如、周慧敏、張兆輝、陳偉霆、谷祖琳、萬綺雯出齊。
導演許鞍華吹雞，除咗嗌到玉女周慧敏復出拍戲同吳君如搞同性戀，連做慣差佬、黑社會嘅張兆輝，都要將珍藏幾十年嘅大銀幕初吻，奉獻俾君如，着數晒嘅君如開心到擘大喉嚨話要封番利是俾對方。
已經四十五歲嘅吳君如最近因為推戲而傳佢再度有喜，不過當事人秉承一貫作風，全盤否認。
當年佢大住七個月肚都話自己肥咗唔係佗B，信定唔信，由得你！

 


吳君如著住高踭鞋同現場觀眾fing住玩遊戲，咁牙煙都制，應該真係冇餡啩！
嚟啦，fing唔甩嘅！（設計對白）


周慧敏復出大銀幕，睇玉女掌門人啲fans，似乎都有番咁上下年紀。


未開學，張兆輝帶埋一對仔女出席電影宣傳。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄