前港姐張舒雅轉型做模特兒後，昨晚首度為「Goldwell Color Zoom'10 Hair Show」擔任司儀，並負責英文翻譯，她透露稍後會到日本行騷，問她之前有否Catwalk經驗，她說：「之前做港姐，幫貿發局去布達佩斯行，依家轉做Model都有信心，其實我係讀時裝設計，選完港姐都想喺時裝界發展，但公司冇合適嘅工作畀我。（畀人話你Hea？）我自己唔覺，可能我性格爽朗，先畀人有呢個錯覺。（點樣除名？）用時間證明。」

張舒雅昨晚為髮型騷擔任英文翻譯的司儀。

另外，歌手葉德嫻罕有地現身活動，她稱對上一次開個唱已經是五年前，間中也會技癢，她說：「但我唔會唱K，最憎，通常沖涼時先會唱。（大家咪冇機會聽？）我都未死，其實耐不耐都有人斟我，不過我好揀擇，唔濫交。」

林莉戴上黑超示範潮爆髮型。

至於有份行髮型騷的包括模特兒林莉、樂隊Mr.、「舊八模」蔡穎恩、歌手鄭希怡等。

張舒雅日本行騷除Hea污名

有「最Hea港姐」之稱的08年港姐冠軍張舒雅，昨晚「初試啼聲」為《GOLDWELL COLOR ZOOM'10 HAIR SHOW》擔任司儀，負責英語部分及翻譯，同場嘉賓包括鄭希怡、洪卓立、洪杰、謝安琪和模特兒林莉等，而舊八模之一的蔡穎恩，則和男友、組合Mr.成員Tom同場。

首次做司儀的張舒雅對於常被指Hea，她表示大家要給她時間一洗這稱號：「唔覺得自己Hea，可能我性格爽朗，畀人錯覺係咁。（點樣除名？）由時間證明，都畀你哋叫咗兩年，唔係一下子可以除到。（工作計劃？）遲啲應該會去日本行TGC騷，但依家未定。之前做港姐時都有幫貿發局行騷，依家轉型做模特兒都有信心。」

林莉任模特兒示範頭髮造型。



鄭希怡自嘲髮型似倩女幽魂。

有份行騷的鄭希怡花了三、四個小時弄頭髮：「個頭好重，好似瞓厲頸咁，擰唔到側邊，我覺得個頭似倩女幽魂。」她並表示和謝霆鋒拍戲期間，他們和張栢芝都為哀悼菲律賓挾持人質事件的死難者而穿黑衫，霆鋒亦不慶祝生日，不收禮物。

張舒雅積極工作，更表示稍後將到日本行騷。