被譽為現時最強嘅線上賽車遊戲《iRacing》終於嚟到香港，遊戲內收錄咗多款獲官方認證嘅賽車同賽道外，仲取得IndyCar、F1同NASCAR三大賽事嘅官方License，難怪吸引咗唔少外國職業車手上網玩，好似遊戲亞洲區代言人日本前F1車手佐藤琢磨就成日Keep住玩，話唔定有機會在網上同呢位日本車神鍊番轉！
各位除咗要有部電腦外，仲要買個軚盤及上網開戶口先玩到《iRacing》。遊戲提供咗多個唔同嘅收費計劃，新手可以試玩月費12美元嘅初級計劃，而最抵玩嘅係開個179美元嘅兩年計劃，計落一個月只係7.5美元，就可以同世界各地嘅高手鬥車。《iRacing》發布會上就請咗藝人謝天華上台試玩，但可能遊戲設定較專業，所以只見佢架車不斷兜圈，睇嚟唔係職業車手都幾難控制。 相比起同類型Online虛擬賽車遊戲，《iRacing》取得官方認證嘅賽車同賽事都比對手多，總共收錄了20款官方認可車款及45條賽道，並且可以玩盡IndyCar、F1同NASCAR這三項車壇大賽。由於遊戲採用3D雷射測量技術繪製，所以賽道同周圍環境等都做得相當仔細，而且可以在遊戲內自行調校引擎、胎壓等細位設定，同真正Tune車冇太大分別。 網址：http://www.iracing.com/hk
最平月費 唔使$60
細位設定做得相當仔細，無論是賽道以至車廂內櫳像真度都幾高。
玩家可以玩盡IndyCar、NASCAR同F1等官方認可嘅賽事。
遊戲設定 仔細像真
有興趣嘅朋友可到iRacing香港官方網頁入會。
周秀娜都有份出席《iRacing》發布會，但就冇落場試車。
放大圖片
遊戲共收錄咗20款取得官方認證嘅賽車同45條認可賽道。
全站熱搜
留言列表
