相隔不夠一個月，我們再次回歸蘇梅島，驅使我再踏足這個小島的主因，是心目中的 Resort之最 Banyan Tree已在此插旗。開業近兩月，小道消息說反應不錯，但始終未親身體驗又何能作準呢？ Testing Begin！記者、攝影︰吳美美鳴謝： Banyan Tree SamuiModel︰ Michelle@Starzpeople
其他副刊影片 按摩版熱帶雨林
Banyan Tree的 Resort一向有保證（ I mean嘆嗰方面），所以，得知這趟是開幕才兩個月的 Banyan Tree Samui，即時點頭兼事不宜遲執行李，事關已有了上次於雲南 Banyan Tree的體驗，期待頗高，更聽聞她們主打推介——「 The Rainforest」場內有不同的按摩池用以水治療法（ hydrotherapy），令我這個不愛陽光與海灘的人有另類選擇。急急腳想走入池，用水冲去我連月疲憊，但第一站的 Rainwalk已經開始行動，先來暴雨式的暖水灑下，好比一陣凉風吹過般舒服，還有其他的濕蒸、乾蒸房，但我已經一個飛身跳入「七式大補池」，意謂這個如泳池般大的按摩池有七種功能按摩你全身不同部位，包括小瀑布 for肩頸、水床 for全身等，若你試勻七個再上水，就好似被真人按摩過一身鬆軟，但我最為傾倒的是「暖笠笠石床」，上水後必定舒服到想瞓，呢張床就有微溫功能，超適合上水昏昏欲睡狀態又不致於冷親！信我，不足五秒你被人 Inception都唔知！
雨林鬆身五式第一式：步驚雲瀑布 放大圖片 
重力水壓衝擊，幫你條頸減壓。
第二式：森林暴雨按摩 放大圖片 
熱帶雨林式勁力按摩，調節體溫且全身得以放鬆。
第三式：瑞士全身按摩 放大圖片 
瑞士式 Shower，有幾個程式任你試。
第四式：北歐寒冰掌 放大圖片 
桑拿後以冰雪迅速降溫，來回三轉皮膚勁滑。有人話呢種桑拿來自北歐也有人話來自日本。
第五式：發熱石床回神 放大圖片 
最愛呢個發熱石床，上水要即刻瞓落去。
收費︰1,000泰銖，約$253（ 60分鐘）5,500泰銖，約$1,393（ 180分鐘）
宮廷式帳篷任 Hea
須知道到 Resort就老奉曬太陽狂游水，呢棵樹正好預備各種泳池及灘上設施供大家忘我去 hea。首先，每個獨立 Villa都有 1.3米的私人泳池（已是近年新開 Resort的基本要求！），如果你住 SPA pool villa的話，更加要有按摩池。若你需要人氣的話，就請到公眾泳池，一大一細，環境不是椰林樹影就是面對無敵大海，還有音樂伴隨，看着那條水平線，感覺是無邊無際的。提一提，池邊有水泡供應，小朋友毋須專誠帶嚟。當然，你來到蘇梅是不會一個泳池就能滿足，走吧， Resort所面對的就是 Lamai Bay，出名「水清沙幼，綠水悠悠」，由踩入水的一刻開始，我知道我真的遠離繁囂，面前只有一望無際的海任我游，超猛太陽任曬，不想變黑珍珠的，亦可在宮廷式的帳篷內避太陽吹海風。我個人又唔可以靜止得太耐，想問問有咩免費嘢玩先。原來在場有沙灘排球、乒乓球、獨木舟等俾大家玩，唔識玩仲有教練親自授課。順帶一提， WiFi在 Resort內幾乎任何位置都收到，就算沙灘亦 OK，瘋狂上網者最愛。
放大圖片 
■大家記住玩獨木舟時要着救生衣！
放大圖片 
■ Michelle喺出面係咁跳，我就喺帳篷內瞓住影。
放大圖片 
■灘上都設有這類宮廷式帳篷俾客人嘆。
放大圖片 
■唔識打沙灘排球？唔怕，教練即時同你上堂。
峇里式 Spa 放大圖片 
■做完 Spa見餓，建議叫個英式下午茶繼續嘆（約$120）。
睇落份稿，硬是好像少樣嘢？ Yes， spa是也。蘇梅這間的 Spa裝修並沒有雲南般的華麗，反而切合簡約純樸一面，差不多每間 Spa房都是一間獨立屋，要走一段小路才到。試做了一個名為 Balinese的 Spa，力度由中至強，技師混合香油集中用手指及手掌按壓全身，用以推動血液循環釋放壓力，九十分鐘過後，你可以選擇室外或室內冲身，最後還奉上超好味的檸檬草茶加蜂蜜及生果乳酪， perfect！
放大圖片 
■格局簡約，以大自然環境及手勢取勝。
費用︰約$1,012（ 90分鐘）
海景凉風撈飯 放大圖片 
■ Pizza種類選擇只有四款，但烤爐即場焗製，夠殺啦！約$105-$123。
一個完美的 Resort，海灘必有間四正的餐廳，招呼我們以無敵海景配凉風拌飯的， Sands就是為這樣而生的。主攻薄餅西式餐飲，看門面見他們並不馬虎，起馬即場有人搓餅底轉薄餅，加埋用炭爐即場烤成，點睇都唔似會難食，連附送的蒜茸包都是由炭爐烤成，比起薄餅絕不遜色！值得點名讚賞那道以帶子做主角的前菜，三粒帶子身形相若肥肥白白，以 grill的方法煮成自然 keep住肉汁，伴以酸酸哋的醬汁，胃都醒晒！
放大圖片 
■薄餅是即叫即整，反正喺 Resort有的是時間，等你！
放大圖片 
■燒帶子 480泰銖
Banyan Tree Samui
地址︰ 99/9 Moo 4 Maret, Koh Samui房價︰ 24,930泰銖起，約$6,305（ Garden Pool Villa）電話：（+66） 77-915 333查詢︰http://www.banyantree.com
Massage in Koh Samui 放大圖片 
溫馨提示：以為機場兌錢方便又抵，但蘇梅機場個 rate得 3.58唔多抵， Chaweng兌換店則有 3.89，建議在機場兌少少好啦。
Travel Memo 放大圖片 
持 BNO或特區護照免簽證。泰國領事館： 2521 6481乘坐曼谷航空往蘇梅島，來回經濟位票價由$3,655起。查詢：http://www.bangkokair.com/
1港元約兌 4泰銖（文中價錢已折算港元）220V，兩扁腳插座
放大圖片 
泰國蘇梅下周有雨， 25-31℃ 
做 SPA、曬太陽、水上活動，蘇梅四天生活周而復始，悶嗎？你話呢？我還嫌不夠悶！消完脂，獎勵自己理所當然，走到 Chaweng Beach覓食。現場所見，除了 market，街邊小吃地道攤檔幾乎罕見，算吧！反正我來是享受人生不要煩惱，不管了，見門面靚就入去吧！記者、攝影︰吳美美Model︰ Michelle@Starzpeople
浪漫樹下嘗泰菜 放大圖片 
■大家睇睇背景街道，完全同餐廳唔夾。
人嘛，通常先被外觀吸引，繼而才作深度了解，今次我就擔當了人辦。來到「 The Tree Bar& Grill」，我連餐牌都沒有看就走了入去，還不是那棵超閃藍光樹累事，發晒光，堅靚，身為雌性動物的必叫好靚兼於腦中浪漫一番。夢醒了，看餐牌，菜式是半泰半西，當然，我會支持食地道菜式，叫了客酥炸蒜茸老虎蝦、 The tree platter雜錦拼盤及兩杯特飲，上菜速度快，但不代表質素低，但亦未至於標青，老虎蝦身形肥大，炸得酥化但不油身乾身，蒜味亦剛好。相對來說，拼盤較遜色，當中只有蝦餅的鬆脆香口令我記入腦，至於特飲，漂亮名字與味道不能成正比， Peach Smoothies，約$30，桃味豐富，比 After full Moon（約$30）只有少許香蕉味（但餐牌話有桃及橙汁）來得平實易入口。
放大圖片 
■ The tree platter雜錦拼盤約$56。
放大圖片 
■酥炸蒜茸老虎蝦約$71。
a. The Tree Bar& Grill地址︰ 168150-51 M.2 Chaweng Beach Rd， T.Bophut,Koh Samui
邂逅最正薯仔湯 放大圖片 
■佈置其實係 Modern feel，但滲了很多泰式元素。
走到了 Chaweng Beach Road一邊的盡頭，我看到了 Top Ten，樓底超高，裝修格局以啡白色為主，柱身都仿椰樹設計，燈光昏昏暗黃，門口設了流水池，我腦中又自行製作了浪漫畫面：「日落的黃昏下走在繁盛的椰樹海灘上」。同一式動作，坐下，看餐牌，選擇同樣是半泰半西，這就是旅遊區的命運，但我亦慶幸如此，往往才有驚喜，在這裏喝了人生覺得最好喝的薯仔湯，湯內有木耳、蘑菇、薯肉，最正是加了蒜茸，入口時覺得材料都被炒過般香口。還選了 Massaman式燉羊肩，一種加有豆蔻、丁香和肉桂等香料，回教徒最愛吃的一種，味道好輕，甜甜的幾開胃，亦不覺有羶味，但略嫌燉耐了一點。
放大圖片 
■這條走廊好比 CATWALK show咁長。
放大圖片 
■ Massaman式燉羊肩，約$100。
b. Top Ten Restaurant& Bar地址︰ 98 M.2 Chaweng Beach Rd， T.Bophut,Koh Samui電話： 5:00pm前（+66） 77-422 037； 5:00pm後（+66） 77-230 235
煙花伴泰菜 放大圖片 
■煙花送飯，冧！
在外吃喝過後，都要留番個肚試試 Banyan Tree內最具人氣的泰式餐廳 Saffron。點人氣呢？首先位於 Resort身上，選擇戶外位置，吹住海風看夜色，胃口都大啲！另外，佢仲有一樣絕招，若你是度蜜月或結婚周年要老婆，你可以於訂房時預訂放煙花，費用係 10,000泰銖（約$2,529）放三分鐘環節，呢件事唔係富豪都可以做到，兩公婆數住天上星星時，突然煙花係咁爆，仲唔夠驚喜?包保呢餐食咩都覺得正！說回食物，是主打精緻式泰菜，首選炸軟殼蟹，份量十足，是香港的三倍，兼炸得鬆脆，配青檸醬，有本事食到半碟；甜品芒果糯米飯是成枱人絕讚之選，椰味足飯夠軟糯，配呍呢拿雪糕及甜脆脆，成個旅程變得好圓滿。
放大圖片 
■甜品芒果糯米飯約$76
放大圖片 
■炸軟殼蟹約$172。
放大圖片 
Saffron地址︰ Banyan Tree Samui內 
留言列表
