部份男士覺得揸 SUV型過揸房車，唔少人寧願捱貴油費都棄房換四驅。想引誘更多車主入局，拉低門檻、低油耗、低排放，這條三低固然是必勝良方， VOLVO為 XC60推出全新 2.0T型號，車價不但降至$42萬有找，新偈的油耗更低至 8.5L/100km，一次又一次向環保之路走得更近，藍天白雲變得更美。記者：許維雅攝影：譚盈傑Model： Rainbow@Zmodel.com
轉數低 扭力大
雖然 2.0T的馬力同扭力是細過 3.2，但這副新偈勝在轉數低至 1,750時，就可以全數釋出 300Nm扭力，有埋 Turbo的爆發力、雙離合器波箱加快轉波速度的幫助，性能表現不會差。
油耗低至$1.2/km 放大圖片 
■原裝 18吋合金輪圈仲大過 3.2型號 1吋。
着衫最忌衣不稱身，太大件唔啱着，幾靚都無用。買車亦一樣，揀啲引擎容積太大的車款，於燈多車多的香港代步，實在得物無所用，下下畀油都不停燒銀紙。 VOLVO今年全新開發的 2.0T引擎，感覺就好似專為港人而設一樣，偈細啲、慳油啲、牌費都平啲，率先採用新引擎的，分別是差不多同期推出的 S60及 XC60。由原來只得 3.0 T6及 3.2直六兩款的 XC60，現添多一部新成員 XC60 2.0T，將 SUV門檻降至約$42萬，增強家族的號召力。以燃油直接噴注技術提升燃油效益的 Turbo引擎，綜合油耗只需 8.5L/100km，比起聲稱已經更慳油的 XC60 3.2所需油耗 11.2公升，慳了差不多三分一，每公里毋須$1.2，跟四門房車相若。雖不及電車環保，但多一個低油耗低排放的選擇，總算有助保護大自然，為藍天出力。
放大圖片 
■尾翼的高置煞車燈夠長夠搶眼，感覺更安全。
放大圖片 
■稍嫌雙圈錶板設計較平凡，有待下一代改良。
放大圖片 
■ L形金屬中控台帶出 Cyber駕駛艙氣氛。
放大圖片 
■軟硬適中的 Power Seat，頭枕設計最型。
爬斜路 夠暢順 放大圖片 
■後座空間勁闊落，多格手枕設計亦十分貼心。
好多車主都如模特兒 Rainbow的心態，驚揀啲低容積引擎車款會唔夠力，小熊仔就帶她出去兜一轉試車。 Rainbow坐上司機位飆了幾條大直路、掟了幾個彎，大讚起步反應爽、馬力輸出暢順，上大斜路的感覺一啲都唔差過 3.2型號。全新型號的 2.0T雖然外形上無乜改動，但向來屬 VOLVO王牌的 XC車系，無論外形設計、安全配備還是車廂鋪排，都一向深得車主歡心。好似小熊仔就最欣賞識得偵測車距防撞的 City Safety系統，夠晒安全；而 Rainbow就最愛大到可以當床瞓的尾廂平台，夠實用。加埋夠晒 Sporty的車身兩側線條、夠霸氣的品字形車尾、夠 Cyber的 L形金屬中控台等，已經足以搶分，勉強多變亦只是多此一舉。
放大圖片 
■摺合後座，帶來 750公升的大平台尾廂。
放大圖片 
■真皮軚環操控手感一流，女士一樣好易 Handle。
XC60 2.0T規格 放大圖片 
引擎： 1,999cc直四連 Turbo馬力： 203hp/6,000rpm扭力： 300Nm/1,750-4,000rpm傳動：六速 Geartronic自動波四驅售價：$419,000查詢： 2927 3388（維信汽車） 
■全新型號 XC60 2.0T換上燃油直噴引擎，有埋雙離合器幫助減低油耗，逐步奔向環保大道。
留言列表
