明星靚相大分享☆

亞視噚日搵咗張達明同 13名候選亞姐，喺大埔總台宣傳今晚播出嘅兩齣外購劇《書劍恩仇錄》同《如果月亮有眼睛》。眾亞姐分成兩批，一批着古裝互相對戲，另一批就同達明做對手戲，重演兩齣劇嘅情節，結果達明選咗「臭口芭比」 13號廖祉甯、 5號萬嘉麗同反串扮陳家洛嘅 11號吳素嫻最好戲。達明仲好有艷福，因為其中七名亞姐同佢做對手時，都畀佢抱抱，唔知佢係驚老婆呷醋定係嫌亞姐唔夠靚，佢抱完人後竟然話自己個老婆最好抱。馮仁昭喺現場睇班亞姐做戲，都覺得萬嘉麗做得唔錯，臭口芭比就做得幾放，但有啲浮誇。

放大圖片

11號吳素嫻（右）同 6號李瑩瑩嘅表現贏得讚賞。

放大圖片

張達明獲臭口芭比送抱抱，認真好艷福。

「家人話我係時候紅」

講番臭口芭比之前又缺席宣傳，亞視高層幫佢解釋話佢接咗個騷唔推得，臭口芭比話：「我去睇跌打，最近好似突然間有啲 lucky，家人話我係時候會紅，打跛對腳唔使憂。」見佢大腿確係有撻瘀青，但佢竟然話：「呢個係最新款紋身，好似油彩。我去學跌打，唔可以無嗱嗱上去，所以先打傷自己。」究竟係去學定係去醫呀？估唔到臭口芭比仲多個版本：「跌打師傅勁得滯，按咗幾吓好痛，行動不便去唔到宣傳。」聽嘅唔多明，好懷疑臭口芭比係咪處於清醒狀態。


臭口芭比 13號廖祉甯腿上有瘀傷（箭嘴示），佢一時話係紋身，一時話打傷自己學跌打，真係吹佢唔脹。