Subaru Legacy GT 加稅無有怕　慳油 i Mode 抗財爺－明星靚相大分享☆

財爺一聲加稅，車行無不頭痛。有扣稅嘅環保車當然更受歡迎，但可能你仍眷戀高性能跑車嘅滋味，好似 Subaru Legacy GT咁，流住瘋狂的血，但一個 i Mode，居然可將 Turbo車耗油壓至$1.8/km，你會發覺慳油模式係好可愛。記者：徐影龍攝影：伍慶泉Model： Hazel@GME Models

其他副刊影片要快要慳　隨手轉換放大圖片
■車身加大，令尾排空間感相當不俗。

■車身加大，令尾排空間感相當不俗。

Legacy大改款，《夠 Car事》已先後長測過 Wagon及 Outback版，可能人生第一部車係「 100仔」關係，始終對四門有尾 Sedan倍添親切。本來受日圓滙價同首次登記稅大加影響，日系高性能車種銷量難以高開，可幸全線 Legacy車系，均配備 SI-Drive系統，轉入 i Mode慳油模式後，耗油的確可大幅壓低，喺兩日近 10粒鐘試車，大部份時間用上 i Mode，由港島深淺赤石，到三號幹線直奔赤鱲角機場計，耗油約為$1.8/km，若用家每日路線都屬大長途順住行，又或揸得斯文啲，數字應可壓得更低。跟 1,500cc車或環保車相比，$1.8/km呢個數字當然未算亮眼，但唔好忘記， Legacy GT有台 2,500cc Boxer偈，仲有高效能 Turbo增壓，馬力接近 300匹，長測時遇着上大斜同連續彎路，我都不期然轉入「 S#」戰鬥模式，盡情爽爆一陣，到塞車時又轉番 i Mode慢慢揸，呢種可快可慳嘅選擇性，唔係一味得個慳字嘅車仔可媲美。

放大圖片
■頭頂空間夠高，加上隨手開閂嘅電天窗，充滿開揚感。

■頭頂空間夠高，加上隨手開閂嘅電天窗，充滿開揚感。

放大圖片
■車廂走豪華斯文格調，但仍配上不少 Sporty部件。

■車廂走豪華斯文格調，但仍配上不少 Sporty部件。

車格斯文　內櫳豪華

Subaru鑽研咗 AWD全時四驅多年，到 Legacy GT已經好成熟，香港無 Off-Road玩，但穿梭港島區四大名灘嘅山路時，都表現出咬彎平穩嘅風範，且 Sedan嘅有尾設計，比旅行版更輕，直接令行車表現更優越。同行攝影師及 Model，早已呼呼入睡，獨剩我一人 Enjoy一個接一個嘅彎路，證明 Legacy GT有幾穩定，亦證明車手注定孤獨。Subaru早已升格成行政級房車，再唔係昔日街霸，揸咗兩日，完全無俾舊 Civic撩砌車，又或過線時個個都怕咗你而讓路，成個車格成熟斯文晒。內櫳亦配襯得好豪華，全皮櫳、電動座椅及天窗等，西裝友坐上去都無話唔搭調。至於碳纖飾板、 Racing腳踏、四圓錶板、+/-軚波撥片等熱血配件，好低調地配襯在車內，為踏實車廂增添點點 Sporty味道。

放大圖片
■漸成 Subaru標準嘅側鏡指揮燈，轉線安全。