羅寶文借酒店場地做義賣，又捐出大批狗仔衫，售價一律四十。

名氣生活

富豪太子女羅寶文賣狗衫

2010年02月25日

去年「心晴行動」搞咗個明星二手衫義賣活動籌到四十萬。成績咁好，今年他們食過翻尋味，除了繼續由趙式浩母親盈盈任籌募大使，今次還找來名人二代幫手，由富豪酒店執行董事羅寶文做榮譽慈善大使，而出名愛狗的她不但捐出全新手袋義賣，仲孖埋屋企啲狗仔做善事，將牠們的狗衫捐出，「我有八隻狗，我發覺佢哋啲衫仲多過我喎。」

少用名牌

羅寶文本身是樂施會大使和動物醫生愛心大使，她養的狗仔亦考了牌做狗醫生，與她一齊做善事，「主要係去探訪老人家、孤兒院，去帶歡樂俾大家，都做咗三年。」
今次係羅寶文第一次參與捐衫籌款，「其實我唔多衫，因為我唔係咁鍾意買名牌，所以好頭痛，哈！哈！」最終她揀了大部分都是全新的名牌手袋義賣，「拎出嚟嘅袋都未用過，因為我成日抱狗，好少用手袋；細袋就只係襯晚裝，我又少去 ball。」反而屋企八隻狗仔大得快，牠們的衫好快唔啱著，「佢哋啲衫都好新淨，我又覺得好多人有養狗，可能啱用。」




羅寶文的 Chanel袋，只在○六年用過一次。（《忽然 1周》圖片）
羅寶文的 Chanel袋，只在○六年用過一次。（《忽然 1周》圖片）




俾人整蠱

其實羅寶文在十二、三歲時已開始做義工，每星期都去明愛幫手，大學畢業後又做過生命熱線，「嗰陣做聽電話，都幾嚴格 o架，又要考試、 training，啲人打嚟都係尋死，不過我都係未夠人生經驗去幫佢哋，講嚟講去都係嗰幾句。」
由於大學時是修讀心理學，所以她特別關注一些患有自閉症、學習障礙的小朋友。而老人亦是她關注的服務對象之一。她笑說老人家有時都好貪玩，她在美國做義工時，有朋友就試過俾班老人家整蠱，「試過有個阿伯話想飲咖啡，美國好興問人要全脂定脫脂，阿伯指住我朋友個胸話：『我要妳啲奶！』搞到個朋友面紅紅行開，幾鬼馬呀！」

盈盈在美國運回四大箱衣服、手袋義賣，當中包括她肩上的黑色 Prada袋，只售$2,200。
盈盈在美國運回四大箱衣服、手袋義賣，當中包括她肩上的黑色 Prada袋，只售$2,200。




全新
全新




全新
全新
















全新
全新




義賣日期： 6/3-7/3
時間： 10:00-19:00
地點：尖沙咀富豪酒店地庫二樓楓庭堡廳

明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆
arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄