上周三財爺曾俊華發表〈財政預算案〉話會將六千蚊入落去強積金，佢話咁樣做嘅原因係唔想搞到通脹，點知預算案一出，民憤沖天，冇強積金戶口嘅人士更為激憤，想搵財爺討個公道。而身為警員因未能受惠六千蚊入強積金，有指一班警員想參加下個禮拜日嘅抗議預算案大遊行。

財爺收集意見後破天荒開口用「反應欠佳」嚟形容外間嘅評價，惹咁大民憤嘅財爺終於決定順應民意。十八歲以上嘅香港市民都能夠獲派六千蚊，令到無任何受惠嘅人（N無人士）都有錢分，財爺話：「我已清楚收到來自中產人士嘅強烈信息，我會繼續集合同總結各界意見，嘗試回應社會上三方嘅訴求（即注資強積金、退稅及協助『N無』人士）。」

財爺最新方案：

一）決定向年滿十八歲以上香港永久居民，派發六千蚊現金以代替注資強積金方案，市民可以按自己意願攞現金。不過，佢建議大家用嚟做儲蓄。

二）針對一啲未能夠受惠呢個計劃嘅人士，政府會預留資源，再作其他安排。

三）針對中產，決定寬減薪俸稅，定為應繳稅款嘅百分之七十五，上限為六千蚊。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄