何家風波近排稍稍降溫，間接被扯上關係的，反而是周柏豪！不過今日與柏豪見面，罕有地不談何家，不談超雲超蓮，而是談綠色駕駛，他說：「駕車最緊要慳油少排放！」他甚至寧願少點出街，讓架車放放假！記者：趙慧敏攝影：伍慶泉

 

一般人只會視座駕為玩具，代步工具甚至老婆，不過柏豪形容與座駕的關係，就頗出人意表說：「屋企人！成日會喺埋一齊，有病都會帶佢睇醫生。」難怪五年都無諗過換走呢個家人啦！

只換過一部車 放大圖片
■柏豪與超雲的緋聞曾成為大家談論的話題呢！

■柏豪與超雲的緋聞曾成為大家談論的話題呢！

無論柏豪是否千金殺手，不得不承認他是近期的人氣王，佢首《後援》唱到街知巷聞，既然具人氣，向人宣傳減碳，都零舍容易入耳。柏豪剛成為渣打銀行贊助的「放駕一天」減碳行動大使，人前人後自然要大賣綠色駕駛的好處！原來佢唔係得個樣，揸車真係幾環保，人人講緊換過多少部車，他就坦白說：「自從十八歲考取車牌買入第一架車後，至今只換過一部車。」明顯唔係貪新忘舊的玩家。

揸快車　戇居危險

不過他都自爆自己曾是環保剋星，「第一架係架超舊跑車，不過始終是跑車，所以喺馬路遇到不友善的挑釁，少不免會踩行油同人鍊番轉，家諗番都有啲戇居又危險，連油錢都浪費咗唔少。」講得咁狠，是否試過開快車？「講快真係唔算好快，最多係出入機場段路，規定行百一，我最多敢行到百二，可能我怕死啦！」經歷過揸舊跑，現在反而投入 Family Man角色，雖未有老婆仔女，但早已加入七人車行列，「家嗰部係 1,400cc偈嘅日本七人車，揸足五年！不過有時慢慢揸車，反而享受同屋企人喺車裏面有傾有講的感覺。」

放大圖片
①本身患有鼻敏感的周柏豪亦是空氣污染受害者，所以在環保上亦身體力行。

①本身患有鼻敏感的周柏豪亦是空氣污染受害者，所以在環保上亦身體力行。

放大圖片
②柏豪表示並不追求高性能車款，實用最重要。

②柏豪表示並不追求高性能車款，實用最重要。

放大圖片
③香港交通繁忙，廢氣排放超晒標。

③香港交通繁忙，廢氣排放超晒標。

放大圖片
④ Audi A4就是柏豪的 Dream Car。

④ Audi A4就是柏豪的 Dream Car。

 

最愛 Audi A4

每個男人都有 Dream Car，柏豪的選擇是 Audi A4揭背旅行車，「一直鍾意旅行車，車形靚又有大尾箱，跑得又睇得。」不過柏豪又突然說十分留意電動跑車，真正環保與駕駛樂趣兼備，不過車價不菲，暫時唔會考慮。既然打正招牌「減駕一天」，那麼柏豪又如何實踐其減駕計劃，「開馬力細嘅車無問題，但唔揸車真係唔係好慣，有時寧願唔出街，慳油之餘更加可以慳到錢。」

柏豪教你環保揸車定期保養 放大圖片

 

其實保養好架車真係幾緊要，攞去車房換偈油、自己都要定期檢查吓胎氣，保養唔好，耗油量一定高。

向無謂配件 Say No 放大圖片

 

巨型包圍、超大合金輪圈當然令車形更靚仔，不過就令車身負重增大，油都嘥多啲，可免則免。

清理車廂 放大圖片

 

車內太多無謂雜物盡量執走，千祈咪當架車係雜物櫃。

行車保持暢順 放大圖片

 

咪當自己係賽車手，不必要嘅加速、減速，嘥油、傷偈又危險。

停車熄匙

自己就嘆，車外途人就辛苦。

弄清路線 放大圖片

 

出發前睇定地圖認清路線，免得周圍兜行寃枉路。


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄