現年 31歲的吳卓羲旺桃花不旺事業，近日他被爆連環掂無綫 23歲姐仔馬賽和 31歲花旦徐子珊，成為姐仔屠夫。有指吳卓羲已入住馬賽家買下的何文田豪宅，與馬賽同居之餘，卻暗交徐子珊。吳卓羲和子珊昨日戴上情侶紅手繩分別出席活動，地下情露端倪。
其他娛樂名人影片
吳卓羲出道至今緋聞不絕，近日更被爆一腳踏兩船，周旋在無綫姐仔徐子珊和馬賽之間，有指他入住馬賽家人擁有、位於何文田的帝庭園豪宅，有米女友倒貼下，卻又趁參演新劇《法證先鋒 III》明媾徐子珊。吳卓羲和徐子珊昨日分別出席不同活動，但這對緋聞情侶卻不避嫌戴上情侶紅手繩，其實他們大前日出席活動時已紅繩不離手。
放大圖片 
吳卓羲昨日出席活動，右手戴着與子珊一樣的情侶紅繩。
放大圖片 
吳卓羲和子珊在劇集《法證 III》激吻連場，難怪被指戲假情真。 資料圖片
「感情事好難講」 放大圖片 
（左起） Alice B.、徐子珊和跟黃宗澤傳緋聞的倪晨曦齊示範首飾。
徐子珊昨日穿上露肩裙在銅鑼灣示範珠寶，身上雖佩戴總值 3,600萬的首飾，但仍不及左手鑽手鈪旁的紅繩搶眼。問到與吳卓羲的緋聞，子珊說：「佢係我好兄弟，我哋同一個經理人，之前又拍過咁多次劇，有緋聞咪當宣傳，有時做嘢啲客需要咪情侶檔。」對於吳卓羲被指成為姐仔屠夫，徐子珊開腔護駕：「我覺得好唔公平，戥佢唔抵，我認識嘅佢唔係啲咁嘅人，冇啲咁嘅事。」徐子珊力撐吳卓羲並不花弗，並指他沒追求之意，她說：「唔係咁嘅。」但她拒發誓否認緋聞，並表示緋聞傳到麻木。子珊避談吳卓羲與另一緋聞女友馬賽是否合襯，她說：「兄弟唔講呢啲嘢，做兄弟梗係要撐，感情嘅嘢好難講。」子珊可會幫吳卓羲追馬賽？她說：「佢自己搞掂得啦，做兄弟唔使呢啲。」有指吳卓羲花女人錢，子珊說：「我哋平時食飯係夾錢 o架。」
「冇使馬賽啲錢」
另外，吳卓羲昨日在九龍灣宣傳劇集《點解阿 Sir係阿 Sir》，他激動否認居所是馬賽家人擁有，他說：「我住間屋係一個生意朋友租畀我，我亦冇使佢（馬賽）啲錢。我哋冇同居，我哋唔可能發展，話我使女人錢好影響我人格，我好介意，我自己都搵到錢，我家都畀錢阿媽使。」吳卓羲與徐子珊同一口供互相形容對方為好兄弟，他說：「佢同馬賽唔係我鍾意嘅女友類型，我家單身。」吳卓羲早前被爆瞞着馬賽帶內地乳牛 35F張馨予返何文田家密會，他說：「男仔唔係淨係識男仔朋友，要有女性朋友。」採訪：楊潔雯、盧妹攝影：陳順禎 
徐子珊昨日擔任首飾模特兒，左手仍戴着與吳卓羲的情侶紅繩，可見她相當重視。
留言列表
