婷婷爆霆鋒喝窒Lucas

汪詩詩、謝婷婷及趙式芝出席A.D.M.J手袋活動，着上I.T旗下法國品牌COMMUUN的婷婷表示母親狄波拉管教甚嚴，她與哥哥謝霆鋒年幼時經常被打：「阿哥試過被打Pat Pat，痛到坐唔到！」她踢爆霆鋒亦是嚴父一名：「雖然我冇見過佢打Lucas，但會喝佢！Lucas得六個幾月大嗰陣，哥哥已經同佢講『Man don't cry』，栢芝見到都心痛！（栢芝做好人角色？）哥哥因為工作成日唔喺香港，所以栢芝都有嚴肅嘅一面！」至於昨日放假的Lucas，則由傭人乘的士接他回家，傭人更刻意以身護Lucas。



汪詩詩（左）與趙式芝齊齊出席活動。

此外，汪詩詩透露剛在北京與老公共度其生日：「老公帶我去酒店餐廳食燭光晚餐，後來佢仲化身廚師，親自煮龍蝦畀我食，好開心！」

爆拉姑體罰兒女狠招婷婷：打到我哋 10歲先停

母親節將至，謝婷婷透露家中行「慈父嚴母」模式，媽咪狄波拉自小家教甚嚴，經常體罰打籐條，更打到霆鋒連冲凉都坐不到。同樣出身名人家庭的趙式芝，則揚言不效嫲嫲做名媛、契媽龔如心做富豪，只想走自己選擇的路，助人行善。

謝婷婷、汪詩詩、趙式芝和同性密友楊如芯等，昨日在銅鑼灣出席 A.D.M.J.手袋為「母親與女兒」舉行的慈善項目，眾人分享母女間的點滴。

兄妹同阿媽講數

謝婷婷爆自小媽咪狄波拉已非常緊張她和哥哥霆鋒，她說：「成日話：『你哋係我嘅血同肉』，媽咪好緊張我哋，有時緊張到發癲。」她謂自己也為哥哥頂過籐條，她說：「見過阿哥俾阿媽打 pat pat打到坐唔到，要企喺度冲凉，我哋打到 10歲先停。我自己試過同阿哥偷走出街玩，嗰時三歲，仲同阿媽講數，跪咗地就唔使打。」婷婷謂反而爸爸謝賢教仔女好寬鬆，連阿哥在學校打架都讚，她說：「我發現阿哥比媽咪仲嚴格，佢冇打 Lucas，但 Lucas幾個月大，佢已經教佢 men don't cry。」

放大圖片

趙式芝（左）和同性好友 Sean搞一連串活動，幫助內地貧困女性。

放大圖片

汪詩詩透露甄子丹沒假期，母親節無法陪她慶祝。

3女人影響式芝 放大圖片

婷婷、霆鋒童年在慈父謝賢、嚴母拉姑的教導下成長。　資料圖片

趙式芝指生命中有三個女人讓她感受最深，分別是嫲嫲趙倪亞震、媽媽姚煒和契媽龔如心，她說：「嫲嫲早在 1900年代已經係大家閨秀；媽咪係社會大學畢業，好叻煮餸，尤其籐條炆豬肉；契媽就將一生貢獻畀工作， 3個女性都有權選擇自己嘅路，我唔想成為女首富或者名媛，只係想做一啲有意思嘅事。」早前生日的汪詩詩，則透露在北京和甄子丹過二人世界，老公更走入餐廳廚房，下廚煮龍蝦給她吃，問到禮物？她說：「有，不過唔講得住，好感動嘅，幾個月後先知。」 BB？她說：「唔係，係啲抽象嘅嘢。」採訪、攝影： Rita Leung


謝婷婷指拉姑對她兩兄妹管教甚嚴，但對孫兒 Lucas則一味疼錫。