講到大型豪華七人車，又點會數漏豐田的 Vellfire，雖然 Vellfire在七人車中，設備已算頂尖級數，但要凸顯身份，要求又點會咁簡單？日本早前推出 Vellfire Platinum Gold版仕樣車，話咁快殺到香港，尊貴程度又再升級，無論是車本身還是乘客，都成為萬千寵愛在一身的金絲雀。記者：趙慧敏攝影：梁細權Model： Rika@GME
其他副刊影片 金漆招牌不可缺 放大圖片 
■遙控尾門開關，蹺埋手都搞得掂。
雖然這款 Vellfire以 Platinum Gold版為名，不過論「金光」程度，絕非浮誇之類，極其量只是門邊腳踏的「金漆招牌」，標明 Vellfire的刻字，不過此舉已足證其矜貴身份。 Vellfire外形講求現代感，所以除保持 4,865× 1,840× 1,900mm的巨無霸車形外，頭尾擾流及兩邊裙腳都較同門兄弟 Alphard誇張，尤其是車頭電鍍鬼面罩及泵把等，充滿立體線條，令人一望便能區分與 Alphard嘅不同之處。
電動尾冚夠細心 放大圖片 
■公主駕到唔一定係坐馬車，超豪七人車都可以畀到呢啲享受。
不過豪華設備才是 Vellfire的主要賣點，作為 Platinum Gold版，車廠沒有在外形上作出太大改造，最大的改進不過是換上 18吋磨砂味甚濃的合金輪圈，另外側鏡則換上全電鍍；相反在內櫳上花咗唔少心思，進行不同程度的改造及添置。新版的中控台飾面及軚環，就由桃木換成貴氣升呢的黑桃木、新增的 DVD汽車娛樂系統。不過講到最貼身的，不得不讚其電動尾冚，巨型車款最令人困擾莫過於開關尾門，不過車匙的遙控掣，就可控制尾冚開關，整個過程足十秒，女士們蹺埋手都搞得掂。不過講到真正享受，做司機就未必享受得到，中排的座位媲美商務客艙享受，尤其是一拉即彈起的腳墊，加上 GOA最新型衝擊吸震高強度安全車架設計，令行車時車廂保持安靜，置身其中，差啲以為車廂就係自己個安樂窩。
行差踏錯提提你 放大圖片 
■頭尾擾流設計充滿時代感，冧死年輕人。
性能配備 3.5公升 V6 DOHC VVT-I引擎，雖背負 2,000kg的身軀，但擁有 280匹馬力及 35.1kg-m扭力，無論任何路面都應付自如。另外亦配備不少先進技術，包括 EBD電子制動力分配系統附 ABS、 S-VSC車輪穩定操控系統、定速循航系統等，不過值得一提是慳油模式顯示器，只要你有任何「行差踏錯」，包括行車時無故踩大油，錯用低波行車增耗油量，系統都會即時提醒，要你變做環保之星。
放大圖片 
■換上黑桃木軚環，貴氣升級。
放大圖片 
■門邊腳踏的金漆招牌，刻有 Vellfire字樣。
放大圖片 
■換上電鍍側鏡，即時為外形加分。
放大圖片 
■儀錶板以投射設計，揸車有視覺享受。
放大圖片 
■新增的 DVD娛樂系統，令車廂變成 K房。
放大圖片 
■ 18吋磨砂合金輪圈是專為 Gold版而設。
Vellfire 3.5Z Platinum Gold 放大圖片 
引擎： 3456cc V6 DOHC VVT-I馬力： 280ps/6,200rpm扭力： 35.1kg-m/4,700rpm傳動： 6前速+/-自動波箱價錢：$580,000查詢： 2922 2933（金國汽車） 
留言列表
