性格爽朗的莊思敏 Jacquelin，心直口快，直認貪新鮮又快厭舊，令她從不錯過試車機會，有車匙在手就乜都試一餐。試車無數，心頭好亦多的是，面對 BMW 650iA開篷車，評語如出一轍：「開篷車？我 OK o架！個篷有時開吓有時閂吓，感覺新鮮啲嘛。」記者：許維雅攝影：梁細權Hair： Roy Yung@KEN QiWardrobe： Jan Ahlgren
其他副刊影片 乜都制 三級就 No
幾年前人人只會叫她做吳浩康女友，到現在好多人都喊得出莊思敏這個名，這兩年總算有些少成果。一步步建立自己的名聲，背後的最大動力莫過於膽識，隆胸唔怕認，敢作敢言的形象為她帶來不少工作機會，例如近期為 J2新少女節目「姊妹淘」當主持。摸索 Jacquelin的膽量底線，三級片拍唔拍？「除咗三級片，乜角色都夠膽做！」做癲婆都肯？怎知興奮大叫：「我好想呀！我成日同晶哥講好想接套戲係做一個好癲嘅角色，最好剃頭，因為我好想，但現實中無機會，實俾經理人鬧死。」性格如是，你我都估到她駕車的膽識當然不細，「飄移？唔驚！最緊要有保險。」「鍾意揸快車！不過近年少咗，因為太多快相機，香港限制太大喇，我覺得車速 70真係好慢，所以香港咪成日塞車！」 Jacquelin更笑言自己唔可以搬入新界北，唔夠一個月就俾人扣晒分！
放大圖片 
■立體線條車尾配偏長尾燈充滿型格。
放大圖片 
■內櫳設計有型，波棍係其中之一。
放大圖片 
■內櫳備有大量高科技配備，揸車輕鬆得多。
放大圖片 
■大讚軟篷開得快， 19秒內完工。
乜都啱 Dream哥是 Deep
由未考牌已跟朋友去 Morning Drive，到考到牌就成日偷老竇啲車揸，貪刺激的 Jacquelin自細愛揸車。老竇愛換車，玩車朋友一大堆，對車從不陌生的她還有一貪，就係貪新鮮，「平治、寶馬、賓利都試過，亦揸過朋友嘅古董車，總之一有車匙喺我手，我都會試。」話 Dream Car係 BENTLEY Continental GT或 PORSCHE Panamera，究竟鍾意雙門定四門？「總之款獨特少人有。我都鍾意古董車，試過揸朋友架古董 MINI，乜都冇好得意，軚又超實，要畀晒力咁揸好過癮！」呢位小姐乜都叫過癮！借來時速達 250km/h， 0-100km/h只需 5秒的 BMW 650iA Convertible讓她試駕，應可滿足她的胃口，怎知她最大興趣反而是 6系的開篷外形，「好型呀！個樣夠惡夠 Cool，操控又比我想像中舒服。估唔到開篷可以開得咁快，我都鍾意開篷車，唔使咁悶，可以多啲變化。」暫時來看，莊小姐最長情的，相信只有她的愛人 Deep哥。
放大圖片 
放大圖片 
放大圖片 
■ Jacquelin直言愛硬頂多過軟篷，但勝在尾箱多點空間。
放大圖片 
■年頭老竇送了一部平治 C Class給她作獎勵。
BMW 650iA Convertible 放大圖片 
引擎： 4,395cc V8連 TwinPower Turbo馬力： 407hp/5,500-6,400rpm扭力： 600Nm/1,750-4,500rpm傳動： 8速 Steptronic連+/-售價：$1,708,850查詢： 3129 9000（ BMW HK） 
■貪心 Jacquelin一樣愛開篷車，貪佢外形有變化保持新鮮感。
留言列表
