楊采妮演而優則導，首次寫劇本做導演，並將會與彭順合作新片《聖誕玫瑰》，她表示早前到蒙古拍戲捱壞了身子，現在要積極調理身體，為做幕後作最好準備！
楊采妮執導的電影籌備多時，她表示最快於今年底開拍。
昨日楊采妮出席假海港城舉行的「New Beetle Art Gallery慈善拍賣展」活動，並即場在自己設計的車子上簽名留念。她表示剛從蒙古敦煌拍戲返港，由於水土不服導致消瘦不少，她說：「我之前真係瘦得好緊要，最瘦嗰陣得九十幾磅，返到嚟香港即刻睇中醫同游水調理，依家肥番精神番，要還番啲廣告債！」
演員名單未落實
問到由她親自執導的電影進展如何？她說：「應該過多幾個星期就可以公布有咩演員，希望今年年尾或者出年可以開拍，（你自己會唔會演出？）唔會喇，今次淨係負責寫劇本同做導演，監製會係彭順，片種會係帶啲驚慄又令人會反思嘅戲，彭順係一個做前期工夫做得好好但又唔會超支嘅監製，依家暫定戲名叫《聖誕玫瑰》。」
楊采妮在自己設計的車子上簽名。
鄧達智（左）及陳細潔（右二）亦有出席活動。
蔣怡揚言會以性感造型主持足球節目。
蔣怡性感谷收視
至於同場的蔣怡就表示將會為有線主持世界盃節目，但坦言對足球零知識所以要惡補，她表示：「個節目本身都係以玩為主，所以唔需要真係好專業，希望可以吸引到唔睇波嘅人都會睇個節目，（男友睇唔睇波？）佢唔睇，不過今年應該會例外，因為有我做。」她又笑言已要求大會安排她穿得性感一點，刺激觀眾視覺效果。 文：名人組
全站熱搜
留言列表
