28歲中英混血兒 Janine Tai
盛傳同男友阿威甩拖的混血女模 Janine，近日密密黐實 Juno，上週五（ 7日） 2人被記者發現於中環歎四川菜撐枱腳，兜兜轉轉都係搵番有米 Juno。"
我有貨
情敵鬧人渣 Juno硬搶豪放模
2010年05月12日
曾挺身護「嬌」被讚有情有義的麥浚龍（ Juno），去年 7月卻爆出以「情慾短訊」狂冧混血女模 Janine，慘遭撬牆腳的 Janine圈外男友阿威數臭有人「奪人所愛」，曾開口鬧爆：「佢不斷纏住 Janine，正人渣。」
阿威當時雖講明女友 Janine唔會同 Juno一齊，但最新發展係 Juno實行硬搶， Janine近來密密黐實富貴 Juno，上週五本刊發現雙 J孖住一齊現身中環隱蔽樓上食店，二人有講有笑不時深情互望。有米 Juno出招搶女，百發百中！
26歲出道 8年的麥浚龍，近年桃花特別旺。尤其緋聞女友阿嬌鍾欣桐發生淫照事件後，挺身護嬌的 Juno，贏得義氣男友之名，不過在與阿嬌打得火熱之際，去年突然爆出他藉拍 MV《寫得太多》，力溝 MV女角中英混血模 Janine Tai，更狂 send情慾 SMS誘對方上床。
保鑣護駕
闊少 Juno冧女都要有排場，當晚 2人撐完枱腳後，由保鑣（箭嘴）先開路，之後 Juno同 Janine一路講笑一路行去 Juno價值 49萬的豐田 Alphard 7人座駕，夠晒氣勢。
Juno前年 8月搵 Janine拍 MV《寫得太多》後一啜鍾情，之後再搵佢冧莊做《從此世界多了一分鐘》 MV女主角，拍親熱鏡頭時，「雙 J」仲演得好投入。
真命數臭
今年 3月， Janine在其 fb中大晒與男友阿威的恩愛遊澳門合照，但近日有指兩人感情有變， Juno疑係黑手。網上圖片
自我得嚟又玩得，就算對住男仔隻臭鞋，一樣想啜啖，真係幾癲。網上圖片
豪放 fb
愛把新照放上 facebook嘅 Janine，着住套灰熊公仔衫影相時，亦不忘擔住支煙，好自我喎！
網上圖片
唔認搶女
多情 Juno一腳踏兩船。事後有指被阿嬌發現短訊，導致分手收場；當時與 Janine拍拖 5年的髮型師男友阿威，更開咪數臭 Juno，唔只出言鬧爆 Juno以情慾短訊纏擾 Janine：「呢種行為，正人渣！」還表明跟女友攤牌後， Janine已跟他說明不會跟 Juno一齊。
被 Janine男友阿威喪鬧，但出名 EQ高的 Juno，事後就公開話：「可能佢哋兩個有誤會，話我 SMS撩人上床就好過分，對報道係得啖笑，我同佢（ Janine）係好朋友，之後都係朋友。」
戒備心重
同 Juno「急凍」，據知 Janine的確曾重回髮型師男友阿威懷抱，但近月則有指兩人感情再生變，一向豪放一族的 Janine，最近在網上放上大量玩到癲夜蒲照，更與不少男士親密貼面。
姣婆遇着脂粉客，本刊亦同時發現 Janine與「老相好」 Juno翻撻。上週五（ 7日）晚，本刊目擊 Juno與 Janine孖公仔出現於中環科達中心的「三希樓」歎四川菜，記者所見，飯後「雙 J」前後腳步出大堂，當時行頭開路的 Juno視察環境後才放下戒備，與從後趕上的 Janine放心交談，其間 Juno不斷深情回望 Janine，冧到女方不停點頭微笑，最後 Janine更速上 Juno七人座駕離開，繼續有下場。記者多次致電 Janine，但至截稿前仍未回覆。
最緊要就手
Juno同女模 Janine因拍 MV撻着，其實近年 Juno亦搵咗唔少索女模甚至 AV女優拍 MV，仲有機會同靚女錫嘴，認真有計。
'10虐待空姐
今年 4月邀請蒼井空拍《超生培慾》 MV，當中仲玩虐殺、 SM feel夠大膽。
'09攬坐大髀
上年《弱水三千》搵咗 Chrissie師妹 Annie G.坐大髀演出，好有艷福。
'07龍脷濕吻
07年拍《借火》音樂電影，與翻版 Maggie之稱的 Jenny Ho火辣濕吻，仲一共咀足 30次。
背嬌偷食
淫照爆發後， Juno以情聖姿態護嬌，原來卻暗地一腳踏兩船。
麥浚龍硬搶豪放混血女模 遭情敵大罵人渣
麥浚龍
曾挺身護“嬌”被贊有情有義的麥浚龍(Juno)，去年7月卻爆出以“情欲短信”勾搭混血女模Janine，慘遭撬牆腳的Janine圈外男友阿威大爆有人“奪人所愛”，曾開口說：“他不斷纏著Janine，是個人渣。”
阿威當時雖講清楚女友Janine不會和麥浚龍一起，但最新發展是麥浚龍開始硬搶，Janine最近和富貴的麥浚龍越來越親近，上周五記者發現兩人一起現身中環一間隱蔽的樓上餐廳，有講有笑不時深情互望。有錢的麥浚龍出招搶女人，百發百中！
留言列表
