讚手感好
週一（ 8日）上午 11點，打算出門工作的 Jeana與男友齊齊現身，記者問到 Jeana被指不倒胸，圍村仔男友力證 Jeana真貨，問他是否手感 OK，他就尷尬點頭：「係呀！」

封面

食住 4年　 Jeana私藏有米圍村仔

本年度最是非 o靚模 Jeana（何佩瑜）不負「賤娜」盛名，靠把口撩㷫全街 o靚模外，整容報細數造假新聞更是不絕，寸嘴兼大話精形象深入民心。
上週死敵 Phoebe呈獻可疑身份證證明年紀，卻愈描愈黑， Jeana終於威番次，向本刊獨家提供身份證正本親證 89年出世，絕非外間誤傳是 31歲 auntie，總算有樣嘢係真，不過和 3年前的證件相中五官相比，難免惹來整容疑雲。
本刊更發現 Jeana男朋友是圍村茶餐廳少東，有屋有車又有鋪，最難得係無視女友豪放寸嘴兼僭建，一樣四年一條心，真愛囉！

互動片段

男友講手感

成為年度書展話題的單飛寫真， Jeana說男友去年已經因此向自己提出分手。

去年還是新八模一員、出版八分一本寫真集的 Jeana並不搶眼，今年單飛發展後，從年頭撩是鬥非撩到暑假，成功因為把口夠賤出位，與另一位是非 o靚模 Phoebe齊齊榮升書展大贏家。本刊連日追蹤下發現，去到邊都愛撩火頭的 Jeana，工作過後，原來都係溫柔女友，晚晚慰藉大欖原居民男友。

8/8：男友講手感
被記者問到 Jeana上圍有冇僭建手感如何時，男友尷尬攬住 Jeana腰。

3/8
上週三不用工作， Jeana與男友帶着愛犬一齊外遊。

晚晚瘟仔

整個星期觀察所見， Jeana每天工作完畢後，例必搭的士回到大欖涌村一幢村屋內居住，翌早再電召的士離開工作。
該幢村屋在村入口人氣當旺處，地下一層更有一間茶餐小廚，是附近居民和地盤工人醫肚飯堂，整天人流不絕。連日以來，都有一名年約 30歲青年在收銀處坐鎮，不時出入搬搬抬抬汽水用具、或者坐在餐廳門口與食客吹水唞涼，直至上週三(3日)傍晚， Jeana抱着愛犬坐着餐廳老闆座駕外出歸來，晚上又見二人在村屋二樓同層出入， Jeana的真命男子身份呼之欲出。

7/8 7:20pm

阿一廚房樓上的 2樓單位， Jeana與男友一齊出現，正是二人共賦同居的愛巢。

大欖富戶

根據資料顯示，該茶餐廳「阿一廚房」東主叫胡志鵬，名下亦擁有兩架日產座駕各值約十萬，而 Jeana連日返歸的村屋，雖然不屬胡志鵬名下，但連同附近共 3幢 3層 700呎村屋都由姓胡人士持有。
週日(7日)， Jeana向記者證實男友姓胡名志鵬，確實是阿一小廚東主：「我哋算係識於微時，都拍咗拖四年。係啦，佢係圍村人，我哋唔係同居，不過一齊咁耐都有好多嘢擺喺佢屋企，間唔中會過去住。」至於入行行性感， Jeana就承認曾經惹來男友不滿一度分手：「其實差唔多年幾前出八模寫真嗰陣，都因為咁分過手，大家目標唔同，我係想趁後生闖吓，佢覺得女仔唔應該咁大野心。(新寫真男友及家人睇過未？)我送咗畀男朋友， auntie都好 nice，知我做呢行，冇講乜。」