明星靚相大分享☆

被伍詠薇宣佈絕交的契弟陳山聰，昨日接受商台電話訪問解畫：「嗰晚係同成班朋友慶祝生日，有人提議玩遊戲，輸咗要打電話畀好朋友話絕交，覺得佢（伍姑娘）玩得，膽粗粗打畀佢，叫佢以後唔好搵我，伍姑娘聽完話好呀，就 cut咗線。」

楊怡斥出賣朋友 放大圖片

楊怡昨出席活動鬧山聰出賣朋友。

山聰續說：「嗰刻知大件事，不過即刻搵佢解釋都冇聽電話。如果我知會搞到伍姑娘咁唔開心，我唔會打呢個電話，我唔想加深誤會，所以公開同佢講對唔住，我知道佢真係好嬲。」不少人覺得陳山聰與何超雲拍拖「巴閉咗」，山聰說：「我同超雲家庭背景分別咁大，公開咗一定有負面報道同壓力，我好多謝超雲嘅信任支持。」另外，與山聰友好的楊怡昨日出席在九龍灣的活動亦說：「佢真係唔抵爭呀，為玩遊戲而出賣朋友，要打佢 pat pat。」採訪：何慧斯、楊潔雯攝影：黃文偉


陳山聰為貪玩激嬲伍姑娘公開道歉，亦感謝女友支持。　資料圖片

陳山聰認衰向伍姑娘道歉

伍詠薇在微博不開名鬧爆某好友兼絕交，有指是其「契細佬」陳山聰。陳山聰承認此事，並聲稱因玩輸遊戲被罰與好友玩絕交而誤激契姐，決定公開道歉！

陳山聰日前被傳與何超雲相戀後因財失義，於本月2日35歲生日當天，致電在微博留言恭賀他的契姐伍詠薇，着對方不要再找他，令對方嬲爆，在微博不開名狂鬧，兼取消關注山聰！而契妹陳敏之亦留言力撐，指有人被錢沖昏頭腦。

醉玩Truth or Dare

昨日山聰在查小欣節目的電話訪問中，首次開腔承認是當事人，但聲稱實屬誤會，想向伍詠薇公開道歉：「嗰日同朋友慶祝生日時飲醉咗，玩Truth or Dare（不講真心話就要被罰的遊戲）輸咗，要同一個朋友絕交，所以即時打畀伍姑娘（伍詠薇），因為以為佢玩得。我一開始同佢講『以後唔好再搵我！』，點知佢話『好呀！』就Cut線，再打畀佢已經冇聽電話，第二日一瞓醒睇微博，又有記者打畀我先知出事！（點解唔即時回應？）諗住過兩日先搵佢，但佢都冇聽電話，所以想公開同伍姑娘講對唔住。其實我唔知點算，咪搵小欣姐商量，最後畀個機會我喺節目道歉。」

山聰表示伍姑娘一向玩得，但事前因沒有聯絡太密，故可能突然這樣玩而激嬲了她！提到有傳他被錢沖昏頭腦，可感冤屈？山聰說：「唔可以話冤屈，只係有好大壓力，唔可以控制人哋睇法，我同一般人一樣努力工作。」他表示接受他人評論，與超雲拍拖亦「預咗」被批評。問到無綫對絕交事件可有意見？他說：「冇，公司只希望件事處理得好啲。（會再咁玩？）玩都唔會禍及朋友！（生日願望？）努力工作。」事後他在微博向查小欣致謝：「感謝小欣姐給我機會向伍姑娘和朋友道歉及交代始末。」

超雲：我唔會插手

本報致電伍姑娘告知山聰公開道歉，她說：「冇回應，我一頭霧水！（接受佢公開道歉？）唔回應。」其好友昨晚在微博留言指看到一個世紀大笑話，暗指山聰之說不合理，伍姑娘則以三個「雲」符號回應。

此外，超雲撐山聰可以解決自己的事：「我相信佢可以處理，我唔會插手或作任何評論！多謝關心！」她前晚上載大閘蟹照片，表示當晚會吃，心情似乎未受影響。其關注者則留言叫她對山聰好一點，因山聰為她而受了很多人身攻擊。

音樂組

被激嬲的伍姑娘，對事件只表示一頭霧水。

陳山聰自稱玩輸遊戲而被罰玩絕交，更公開向伍姑娘道歉！（資料圖片）