Audi A6 環保列陣　遲來送上七萬五 @ 明星靚相大分享☆

雖然話環保這東西不能以金錢衡量，拯救地球人人有責，不過喺充滿銅臭嘅香港長大，總認為凡事都有價值，以往我認知的環保就係要畀多啲錢，只要有有機兩字，無不要加錢；不過凡事有例外，最近 Audi A6被政府列為認可環保車，畀番＄ 75,000你，擺明益番支持環保嘅車主。記者：趙慧敏攝影：楊錦文Model： Rika@GME

油耗符合環保

雖然 A6已空降香港一段時間，不過兩兄弟 2.8 quattro與頂級版 3.0 quattro版最近才被政府納入認可環保汽油私家車行列，自然有稅務寬減，變相為車主提供優惠。作為環保車，油耗自然係關鍵，根據廠方提供數字， 8.2L可行 100km，以現時$16.3/L計算，每公里約$1.3。

放大圖片

外穩重內強悍放大圖片
■微微上翹嘅鴨尾翼，帶嚟多少不羈味。

■微微上翹嘅鴨尾翼，帶嚟多少不羈味。

A6擁有 4,915× 1,874× 1,455mm體形，被定位為中型豪華房車，穩重外形令風頭往往被賣瀟灑嘅 A7或華麗程度超晒班嘅 A8所掩蓋；不過骨子裏它絕對係科技與優雅嘅結合，滿足到追求高水準享受要求嘅車主。由內至外，體驗到車廠花上不少心思。單係 LED頭燈組成嘅車頭燈組，就由 A8移師過來，配上 Audi招牌盾形鬼面罩，帶來不俗視覺享受。既以老闆級人士為對象，高質素車廂配備自然少不免，一套斯文大方嘅真皮座椅，帶來最貼身嘅享受。不過個人反而對船艙式設計嘅中控台情有獨鍾，配上金屬飾面，成功踢走老氣，突出強悍嘅 DNA。

放大圖片
■頭燈線條及角度，都經過精心調校。

■頭燈線條及角度，都經過精心調校。

放大圖片
■天窗係追求配備，盛惠$10,050。

■天窗係追求配備，盛惠$10,050。

MMI系統隨轉模式

至於這款貴為 A6嘅 3公升高性能版，對它期望高少少係理所當然，用上 V6引擎，最大輸出 300匹馬力，加上 440Nm嘅扭力，雖然係身重 1,570kg，但無論加速及過彎反應依然凌厲。而今次測試版本更追加了運動化懸掛系統外，透過 MMI系統，可以調校不同駕駛模式，包括 Efficiency、 Comfort、 Auto、 Dynamic及 Individual，甚至引擎、波箱動態表現、安全帶鬆緊度，亦可配合行車模式而作出調節，單係玩味已經畀滿分，咁高駕駛享受，似乎預咗車主親身落場，司機暫時要靠邊站了！

放大圖片
■引擎、波箱及轉向可按不同行車模式而轉變。