對方邀請到咪諗吓囉！（真實對白）千嬅和 Wyman積怨 6年，二人現時已形同陌路，千嬅得知舊友開騷，表明冇興趣出現。

詞神黃偉文（ Wyman）將於明年 2月殺入紅館開首個作品展，作品展有名牌靚衫、經典好歌，實行集 fashion及演唱會於一身。
Wyman一聲令下，曾在他神筆底下，把歌曲唱到街知巷聞的容祖兒、何韻詩、陳慧琳、鄭秀文等天后級人馬，亦俾足面應承會做足咁多場嘉賓。反之與 Wyman曾經老友鬼鬼的楊千嬅，雖然曾被力邀亮相，千嬅最後卻拋下一句「請都唔到」。
上周四（ 27日），千嬅與 Wyman在活動中狹路相逢，互當透明，更毫不客氣互寸，看來二人想破冰都幾難。

出道 18年的黃偉文，筆下所作歌詞啜核入肉，為使今次處男個唱搞到有聲有色，數月前， Wyman已逐一聯絡天王天后級人馬屆時撐場。為圓一王五后美夢， Wyman除了搵容祖兒和鄭秀文等天后外，亦曾透過友人聯絡千嬅，希望她能當晚現身。 Wyman身邊好友透露，「阿 Y（黃暱稱）之前請 Kelly、 Joey、 Sammi同何 C，佢 哋都即刻應承，仲話唔收錢都會嚟足咁多場。咁話晒千嬅嘅〈少女的祈禱〉同〈可惜我是水瓶座〉係阿 Y巔峰之作，佢梗係想今次演唱會可以齊腳啦！」可惜 Wyman如意算盤最終打唔響，事關當他邀請千嬅亮相時，千嬅已第一時間斬釘截鐵拒絕請求。


獨欠千嬅Wyman出道至今作品無數，今次吹雞開騷， Kelly、 Joey、 Sammi和何韻詩即一呼百應，還已經拍攝宣傳海報，美中不足是獨欠千嬅。
獨欠千嬅Wyman出道至今作品無數，今次吹雞開騷， Kelly、 Joey、 Sammi和何韻詩即一呼百應，還已經拍攝宣傳海報，美中不足是獨欠千嬅。
互當透明上周四（ 27日），千嬅和 Wyman同場出席活動，有女主持主動向千嬅表示 Wyman在後面，不過千嬅瞄一瞄即把頭擰轉，連招呼都懶打。
互當透明上周四（ 27日），千嬅和 Wyman同場出席活動，有女主持主動向千嬅表示 Wyman在後面，不過千嬅瞄一瞄即把頭擰轉，連招呼都懶打。
見千嬅在後面做訪問， Wyman第一時間繞過她速逃入會場，避免兩人正面交鋒。
見千嬅在後面做訪問， Wyman第一時間繞過她速逃入會場，避免兩人正面交鋒。
係好朋友就自動現身啦！（真實對白）
係好朋友就自動現身啦！（真實對白）

隔空格劍

上周四（ 27日），千嬅跟 Wyman一同出席時裝活動，兩人在現場避得就避。對於作品展嘉賓的提問， Wyman和千嬅的回應亦甚有火藥味。 Wyman表示：「點解 Poster揀咗呢四位，係因為當年佢哋真係同我熟，今次有好多嘉賓係自己主動話想 嚟玩。（搵咗千嬅未？）我唔係親自聯絡佢，亦未必再主動搵佢啦，我知佢好忙，唔好意思去求佢，等佢主動搵我啦。總之係好朋友嘅，有心就會自動現身啦。（千嬅結婚嗰日，你不請自來，係咪你都想修補關係？）去千嬅婚禮，係因為好多年前同佢飲酒時訂下承諾，無論我哋友誼發展成點，楊千嬅唔記得唔緊要， A promise is a promise，我係會去兌現承諾。」
Wyman出到聲等千嬅自動現身，反之千嬅則表示要忙工作，又表示對方還未主動邀請，她說：「未有通知喎，對方邀請到咪諗吓囉！（ Wyman話知你忙，等你主動搵佢喎。）主唔主動都要睇咩情況，有機會實會 㗎，不過家陣忙緊 11月個騷，搞掂先算啦。（係咪同佢仲有心病？）我只可以講有啲嘢發生過，其他嘢唔想再講嘞！」

婚宴不請自來

千嬅婚宴請盡圈中人，唯獨冇請 Wyman，但 Wyman為兌現承諾及希望以誠意打動千嬅，不請自來到場觀禮，可惜只逗留半小時即走人，事後更向友人呻新娘冇與他影合照。



倒戈埋 Joey堆

 


01年死黨Wyman曾助千嬅登上天后之位，昔日更老友鬼鬼孖住睇騷，可惜兩人如今再見不是朋友。
01年死黨Wyman曾助千嬅登上天后之位，昔日更老友鬼鬼孖住睇騷，可惜兩人如今再見不是朋友。
05年轉軚昔日千嬅跟宿敵 Joey於樂壇鬥個你死我活。有指千嬅不滿 Wyman倒戈幫對方創作多首大熱作，成為她跟 Wyman擘面導火線。
05年轉軚昔日千嬅跟宿敵 Joey於樂壇鬥個你死我活。有指千嬅不滿 Wyman倒戈幫對方創作多首大熱作，成為她跟 Wyman擘面導火線。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄