首次驚嚇登場　羅蘭孟婆上身忽然1周 849 期－明星靚相大分享☆｜痞客邦

Nov 05 Sat 2011 01:03
首次驚嚇登場　羅蘭孟婆上身忽然1周 849 期

嚟飲孟婆湯啦！今次羅蘭唔再扮龍婆，反而扮另一經典人物，孟婆橋上的孟婆，不過呢個造型冇龍婆咁陰沉恐怖，仲幾可愛㖭！

每年萬聖節（ 10月 31日），總想起喺電影《陰陽路》神出鬼沒的龍婆羅蘭。兩度為海洋公園拍哈囉喂廣告的她，今年更首次現場扮演鬼太后孟婆，連踩三晚同大班後生仔一齊慶祝。羅蘭呢次驚嚇登場，絕對係順應民意，海洋公園早前在網上進行公投，問網民最想同邊個一齊過哈囉喂，結果羅蘭擊敗司徒法正同林莉，以友情價接 job。
05年宣布退休的羅蘭，近日復出為電視劇《天梯》趕工，下午拍完劇，夜晚即轉場扮鬼。 75歲的羅蘭姐寶刀未老，影相時動作多多，仲自度對白上台搞 gag，玩上癮的羅蘭姐仲反問公關：「下年你哋仲預唔預我呀？」

海洋公園電視廣告日播夜播，廣告最尾「露一面」的羅蘭，明顯比起全程扭來扭去的 Lady鬼鬼林莉搶眼，事實上羅蘭扮演的龍婆早在 93年已深入民心。

羅蘭已經係第二年幫海洋公園拍廣告，雖然今年只係得一個鏡頭，不過風頭勁過林莉扮演嘅 Lady鬼鬼喎！

哈囉喂前，海洋公園喺 Facebook發起網上投票，睇吓大家最想邊位藝人出席哈囉喂 party，結果羅蘭以大比數勝出，真係勁受歡迎。

為玩捱眼瞓

周日（ 30日）下午六時半，羅蘭現身海洋公園，甫到場便坐下讓化妝師為她化妝。「尋晚第一晚做完，好開心，好好玩。依家日頭要返無綫拍劇，之後再趕嚟表演，尋晚 11點幾至走，不過返到屋企仲要洗多次面，因為仲抹到好多化妝品，要成一點幾先瞓呀！」訪問未完，扮演孟婆的羅蘭便整裝待發要出場，其間工作人員不時扶實羅蘭，畢竟她已經 75歲。
勁歌熱舞後，羅蘭隆重出場，當晚她更自度了一句：「乜玩到咁大呀？飲過孟婆湯，你哋唔會心慌慌！飲過孟婆茶，你哋唔會矇查查！」講完對白，精力充沛的她還陪一班嘩鬼跳舞，雖然全場後生仔居多，不過歡呼聲不絕，足見羅蘭姐的吸引力唔嘢小。自羅蘭出場後，不少觀眾都蜂擁上前，工作人員即安排觀眾排隊，再扶實羅蘭落台與觀眾近距離接觸。

假駝背

扮孟婆嘅羅蘭落足心機，咪睇呢個造型好簡單，其實佢要彎低身去就個假駝背，扮完一晚都應該幾腰痠背痛。

隆重出場

歌舞表演完，司儀即以「哈囉喂共和國鬼太后」之名請羅蘭出場，全場氣氛比之前的勁歌熱舞更 high。

後生仔女爭住影

羅蘭落到台下同觀眾影相傾偈，即時吸引到大班後生仔女埋身影相。記者當場發現「亞洲星光大道」冠軍楊麗珊（紅圈），原來佢都係羅蘭姐 fans。

表情十足

除咗同後生仔冇芥蒂外，攞過最佳女主角嘅羅蘭仲做晒表情交足功課。事後記者大讚羅蘭姐，佢好有信心咁話：「我係演員嚟㗎嘛！」

六千蚊婆婆

返無綫開劇日前記者發現羅蘭與新劇《天梯》的女主角張可頤到無綫飯堂食飯，二人有講有笑。喺前輩羅蘭姐面前，張可頤都唔敢擺阿姐款啦！

表演完畢，羅蘭再次接受訪問，見觀眾都喜愛親近她，羅蘭表示：「尋晚有個媽媽帶住個幾歲細蚊仔同我影相，影完之後媽咪問佢知唔知我係邊個，個細蚊仔話『知，佢係六千蚊婆婆嘛！』哈哈，老少咸宜㗎我！我都好開心時間配合到可以嚟玩，因為依家拍緊添哥套《天梯》，有時都要開好多個鐘頭，試過有日拍完十幾個鐘廠景，返屋企沖個涼，瞓一陣就要再去拍外景。（怕唔怕身體捱唔住？之前琴姐都捱到入醫院！）佢拍到見暈，之後入咗法國醫院嘛！我唔怕，我就寧願快啲拍晒。」
身為海洋公園哈囉喂代言人的羅蘭，被問到今年落場一齊玩的酬勞時，她一臉尷尬叫記者唔好寫，最後補充一句：「總之唔係多啦！我哋演員嚟㗎嘛，友情價啦！」前輩級羅蘭姐，誠實得嚟真係好可愛。

玩寸三色台

海洋公園哈囉喂除咗有鬼屋玩之外，仲有一場別開生面的歌舞表演，內容跟足 TVB年年舉辦的慈善籌款活動，有表演者模仿無綫當紅小生林峯，亦有人扮栢芝與霆鋒。最搞笑係有個老翻 TV Buddy，真搞鬼。

老翻 TV Buddy呢個造型其實扮得都好似，不過多咗對翼同有蜘蛛網。
$濕身林峯林峯年前以《 Let\'s get wet》做演唱會主題，海洋公園呢個「濕身林峯」學到足。$
濕身林峯林峯年前以《 Let\'s get wet》做演唱會主題，海洋公園呢個「濕身林峯」學到足。

真身

假栢芝霆鋒呢兩位表演者神情外形都有九成似栢芝同霆鋒，佢哋其中一句對白係：「我哋都唔知點走下去，所以離婚囉！」

真身

stacylife

明星靚相大分享☆

stacylife 發表在痞客邦留言(0) 人氣()

E-mail轉寄

歷史上的今天

留言列表

文章搜尋

參觀人氣

本日人氣：
累積人氣：

新聞交換(RSS)

QR Code

qrcode