沖繩車禍　陳美詩朱慧敏帶傷抵港

陳美詩車禍傷頸骨孫耀威狂鬧 TVB王喜助威

孫耀威昨日凌晨往醫院接大前日在日本冲繩拍攝旅遊特輯炒車受傷入院的女朋友陳美詩出院，其間繼續炮轟無綫安排失當，完全不尊重藝人。他的言論引起年前同因工險喪命的王喜在微博回應，表示 TVB刻薄藝人早有前科。

其他娛樂名人影片

孫耀威（ Eric）昨日凌晨到九龍法國醫院，探望在日本冲繩拍攝無綫收費台自駕遊特輯炒車受傷的女友陳美詩（ Macy），到凌晨一時許他同女友出院。安排 Macy登上 7人車後， Eric說：「醫生話 Macy頸骨移咗位，內臟冇事，要做物理治療同休息多啲，醫生寫咗幾星期假。佢唔應該出院，不過佢想返屋企。」

放大圖片

Eric自言做衰人也要替女友出頭，接受訪問時炮轟無綫處理不當及只顧做 show。

放大圖片

08年王喜在珠峯拍無綫節目時出現高山反應，他昨日在孫耀威和自己的微博埋怨 TVB對藝人生死置若罔聞。資料圖片

對意外置若罔聞 放大圖片

陳美詩和朱慧敏（右）日前出發到冲繩還開開心心。

Eric繼續炮轟無綫：「冇聯絡過樂易玲小姐，不過我覺得安排出咗問題， Macy根本唔識揸車，佢個牌生銹嘅，仲要佢去日本揸車，嗰度啲山路好似《頭文字 D》咁，喺香港佢都揸唔掂，何況當地。」他表示沒有說無綫任何人不對，只是處理不當，他說：「原本 Macy今日都冇機返嚟，係我喺微博一嘈就返到，仲搵人接機，咁係關心同事定做 show，我唔介意做衰人出嚟鬧，藝人係要尊重。」稍後他送女友返回她的長沙灣寓所， Macy昨日整日留在家。跟 Macy一同在日本出事的朱慧敏昨日在微博報平安，又感謝日本警方和救援隊及公司的安排。08年為 TVB拍節目攀登珠峯的王喜，先在 Eric的微博留言，表示公司對同事出事置若罔聞：「在登珠峯高山症腦缺氧差點死了……留院 7日無效，到最後，也是自己賭命扛着兩大袋行李，一個人上機回香港，這公司連派一個人來機場幫我提行李都沒有」，王喜又在自己的微博寫着：「我是對不起父母，為了那份工，那家公司，竟然差點賠上性命……拍烈火二在凌晨三點燒傷左臉，七點下班後才去醫院，同日下午三點就繼續開工，只拍右邊臉。」

轟朝 7晚 11揸車

無綫外事部副總監曾醒明表示 Macy和朱慧敏安好，對於 Eric鬧爆無綫安排，曾醒明說：「 Eric心情較激動緊張係可以理解，當日公司已經即刻安排返港，唔係 Eric所講咁，件事純粹係意外。」此外，孫耀威昨晚接受 now 102觀星台訪問，他在節目內繼續炮轟無綫，並繼續爆料說：「 Macy每日揸車，由朝早 7點揸到晚上 11點，喺冲繩由南去北……連去廁所都要行出房外面大廳，同埋山外面喺公廁去冲凉……直到噚日早上，都冇任何指示話佢哋會返嚟，到最後我先開始打個電話畀高層，逐個逐個打……」採訪：卓寶花


孫耀威昨凌晨到法國醫院，接頸骨證實移位的女友陳美詩出院。

深夜接走Macy 孫耀威鬧爆無綫

藝人陳美詩（Macy）與朱慧敏日前在日本拍攝旅遊節目時發生驚險車禍，心疼女友Macy而在微博鬧爆無綫的孫耀威（Eric），前晚漏夜到醫院接她出院。身為四大歌手的Eric，更拚死繼續狂轟無綫做騷，強調事件是某些人問題，雙方關係勢成水火。

陳美詩與朱慧敏在日本沖繩拍攝旅遊節目時釀嚴重車禍，二人及同車工作人員險送命。前日二人獲無綫安排返港求醫，但已漏夜出院，前者由男友孫耀威接送，後者則靜靜離開。

出事翌日即在微博鬧爆無綫的Eric，到九龍法國醫院接女友返深水埗寓所。前晚近凌晨，Eric率先步出醫院，未幾Macy在Eric公司員工陪同下步出；架着墨鏡的Macy不發一言上車，而身為四大歌手的Eric則拚死狂轟無綫！

對號入座即衰人

Eric透露Macy頸骨有少許移位，需接受物理治療，幸好未有傷及內臟，須休息數星期，並指Macy原本需要留院。問到會否多陪伴Macy，他只表示Macy父母正等她回家。問到有否致電無綫高層樂易玲反映，他即說：「冇同佢聯絡。」提到曾醒明指Macy事前已知要駕車，Eric即直斥安排有問題：「好多嘢我唔方便講，正如我喺微博所講，邊個對號入座，嗰個係衰人！」又強調Macy的車牌「嚴重生銹」，他早料到會有意外：「佢揸兩下十公里就要停車。」當得悉Macy擔任司機後，他每天致電說教：「我每日都問點解要揸？我話你揸唔到o架，條山路好似頭文字D咁。」

對於無綫高層拉隊接機，Eric認為只是事後補鑊：「Even今日（昨日）返嚟，係咪真係咁Care（藝人）？根本佢哋本身未必返到，只係可能我嘈完，先有好鋪張嘅安排。我又唔係呢間公司嘅！其實我對公司冇意見，係有啲人嘅做法我唔認同，要藝人尊重。」

昨晚，Eric接受now訪問時繼續投訴無綫，又指Macy他們要到山外的公廁沖涼，出事後亦一直沒有收到回港指示，直到他逐個高層打電話，無綫才開始正視問題，但不願評論事件是外判公司還是無綫責任。記者事後以短訊問Eric會否怕無綫秋後算帳？他以短訊回覆：「我不是怪罪無綫，只是某些人的疏忽或冷漠釀成意外令我難過。」　

朱慧敏感激舊石

而朱慧敏昨日接受電話訪問時透露其頸椎間盤移位，需休養兩周，稍後要接受物理治療：「好感恩，好感激舊石、同棵樹。」月中將拍新劇的她，不擔心傷勢影響工作。

影視組

大難不死的Macy頸骨移位，幸好未有傷及內臟。

孫耀威漏夜接Macy出院，並怒轟無綫不夠尊重及關心藝人。

孫耀威與Macy乘車返回女方寓所。

心疼Macy的孫耀威護送女友上車。

頸椎間盤移位的朱慧敏希望盡快傷愈復工。