冰袋鎮痛模媽 Mia在豐唇過程中，唇上下共打入 14針注入玻尿酸，下針時會有病理護士以冰袋紓緩 Mia痛楚。
娛樂喧
全程直擊 狂打 14針豐唇 模媽 Mia：痛到標眼淚
無綫今年 8月透露，搵《盛女愛作戰》編導岑應製作整容真人騷，而王維基的港視亦拍攝整容劇集《三面形醫》，電視整容熱蔓延。有線奇妙台於 11月，率先播出由袁彌明及余迪偉主持的整容節目《魔鏡我最靚》，直擊各種整容手術。
早前，《魔》找來被指多次整容的模媽 Mia（陳靜儀）擔任「美女敢試兵團」，本刊更獨家直擊她打針豐唇過程， Mia回憶嘴唇打針情況：「痛到標眼淚！」
首次擔任節目嘉賓的 Mia，為有線節目《魔鏡我最靚》獻出第一次，在鏡頭前親身示範各種醫學美容手術。繼早前啪骨瘦面， Mia在 11月 4日更應邀到中環一間皮膚外科中心接受豐唇療程。
想有八成似舒淇
未進行療程前， Mia坦言自己經驗豐富冇驚過：「我一向貪靚，喺節目除咗會同大家分享我嘅經歷，更會親自示範啪骨瘦面。我之前都試過打 botox瘦下巴，又試過打透明質酸去削鼻，效果都 OK，今次我就會試用玻尿酸豐唇。」
潮流趨勢興性感厚唇， Mia坦言豐唇是以舒淇為目標。她說：「我覺得自己上唇較薄，所以想打番厚少少，望落去性感啲。我個嘴乾紋較多，豐咗唇會減少乾紋同保濕好啲，所以希望做完之後，唔使化妝可以好靚咁見人。我好鍾意舒淇個嘴，手術後有佢八成咁靚就好滿意！」
變孖膶腸打足 14針， Mia成個嘴又腫又瘀，過程令記者怵目驚心。 
痛到變樣醫生打針後，都會以手為 Mia塑形，打針已經令 Mia嘴腫，醫生每揑一下， Mia都會痛到面容扭曲兼眼濕濕。 
豐唇前豐唇前， Mia上唇薄，下唇乾紋多。 
大晒新唇豐唇後， Mia在網上大晒美唇，明顯上唇厚咗好多，下唇飽滿咗，少咗乾紋。
三日先消腫
在接受豐唇療程前，皮膚科專科醫生先詳解豐唇下針位置、效果及風險，之後護士把冰粒給 Mia含住，又以冰包敷嘴唇，為 Mia麻醉。手術開始時，醫生先在左面嘴角打第一針，繼而在唇上不同位置打了十四針。每打完一針，醫生都會以手來幫 Mia唇部塑形，令其嘴唇變得飽滿和豐腴。
打針過程中， Mia不時痛到面容扭曲，緊握拳頭，不過仍忍唔住兩次痛到喊，醫生只好暫時停手。由於 Mia唇上不時滲出血絲，護士要不斷為她抹血，而醫生的手套亦漸漸染紅，記者直擊亦感心寒。
半小時後完成手術， Mia表示雙唇仍是麻痹：「打完 feel到啲唇紋少咗好多，唇形都立體咗好多。打嗰時個嘴要用冰袋敷住，痹到完全冇知覺，但落針嗰下幾痛，痛到標眼淚，尤其醫生打完針用手幫我塑形時都幾痛。依家個嘴好腫，醫生話要 3日先消退。」
手術後，記者致電 Mia，她說：「依家個唇形好自然，但剛剛打完嗰兩、三日都好腫，腫到好似孖膶腸咁。（腫嗰幾日有無咩影響？）腫到兩個工作要取消，頭嗰幾日都要戴口罩出街，食嘢個嘴會痛，胃口細咗，乘機減吓磅。」
本來面目Mia雖然只認打過 botox同透明質酸，不過佢出道前後，明顯兩個樣。 
拍出慾火為了賺錢育兒， Mia拋胸接 job。上年拍《喜愛夜蒲 2》， Mia胸戰娜姐舊愛 Avis擦出慾火，兩人被發現密室培慾數小時。 
今年 8月， Mia前夫莊家傑（上圖右）娶《盛女愛作戰》參賽者 Whitney（上圖左）， Mia即贈興寸前夫冇責任感，引爆兩女罵戰。 
Mia一向積極搵金龜， 10年她搭上郭秀雲兒子錢景峰，兩人到台灣旅行時，自拍浴照。
「玻尿酸」祛皺豐唇
今次 Mia豐唇所用的玻尿酸，又名透明質酸，它是人體中存在的物質，可被人體吸收，具祛皺紋效果，近年常用於豐唇及祛皺紋。
玻尿酸會隨着新陳代謝及唇部動作被吸收，一般可保持 4至 6個月，如需要保持持久效果，則需要多次注射。
變性關之琳
《魔鏡我最靚》追訪不少整容過程，貌似關之琳的跨性別人士 Natalie（左）亦是《魔鏡我最靚》壓軸嘉賓。 Natalie本身是男兒身，正進行變性手術，被主持人余迪偉及袁彌明大讚靚女。
《蘋果日報》圖片 
早前 Natalie完成了眼、鼻、口及額頭的整容手術。 Natalie面部浮腫，但在鬧市中仍任影唔嬲。《蘋果日報》圖片
靚女愛豐唇
自從安祖蓮娜祖莉成為性感 icon，近年女性嘴唇飽滿至叫性感。名氣界趕潮流，造就本地不少名媛，亦加入豐唇行列。
胡敏珊
薛芷倫
溫碧霞
留言列表
