生命中誰最重要？不少人的答案是配偶、家人或朋友。對謝雅怡 Kelly來說，卻是一頭頭流浪狗。為了牠們，她惹上官非，更傾家蕩產、斷六親，但她仍義無反顧，許下一生一世的承諾。 Kelly所經營的流浪狗場，多年來見證了港人對動物的凉薄，至今已收容近 200隻流浪狗。記者：盧勁業
Kelly的狗場位處流浮山，離小巴站約半公里，由簡陋鋅鐵皮搭建，卻滿載她的愛心。「有次我喺大埔見到有幾隻啱啱出世嘅狗女，俾人塞入垃圾桶，就帶返屋企養。新界好多村落都有呢啲事發生，之後我就開始收養流浪狗」。每頭狗都有一個辛酸故事， Kelly說：「呢度嘅狗，大部份來自回收場同貨櫃場，本來用嚟看門口，當個場一執或者搬，啲狗都俾人鎖喺入面，走唔到就活生生餓死。」為省錢，狗主大都不為狗隻絕育，「結果啲狗係咁生，好多狗仔跑出馬路俾車輾死」。本身從事美容業的 Kelly， 03年和朋友合作收留流浪狗，朋友負責每月 7萬元開支，惟至 08年因金融海嘯生意失敗退出，經營變得緊絀，「有朋友建議將啲狗放上山，我唔忍心佢哋自生自滅，堅持繼續」。 Kelly的善心令她泥足深陷，結果狗隻越收越多，儲蓄越來越少。
已傾家蕩產斷六親 放大圖片 
這隻叫蘭子的狗女一個月前救回來時全身生滿蛆蟲，經悉心照料下現已逐漸康復。
佛家相信，善舉能「消災延壽減業障」，對 Kelly來說，收養流浪狗的代價是傾家蕩產和斷六親，旁人均斥她是「狗癡」，她因此與家人多次吵架，鄰居反目成仇，「我理解養咁多狗對人都好大滋擾，所以最後搬嚟周圍都冇人嘅流浮山」。唯一一次落淚，是 08年颱風鸚鵡襲港，狗場被風暴摧毀，「睇住鐵皮頂吹到翻晒，嗰一刻好絕望，心諗咁辛苦為乜」。她幾經辛苦修復狗場，有感獨力難支，聘來印傭協助打理，卻因此被控違例聘用外傭。她的遭遇經傳媒報道，獲不少人同情，有大學佛學講師寫信求情，又有愛護動物組織發起簽名運動聲援，最後獲法官輕判服務令。官司後 Kelly獲得一些公司捐款繼續經營狗場，可惜近年經濟不景，公司捐款減少。現時每月近 10萬元營運狗場開支，包括場租、狗糧、為流浪狗絕育及治療等費用，需在網誌及 facebook向外募集，也歡迎市民領養。為狗隻如此犧牲，她無怨無悔，「眾生應該平等，凡有生命嘅都應該受到尊重，動物冇辦法保護自己，人類就更應該保護佢哋」。她只希望自己的堅持，能喚醒港人的愛心，善待無辜的動物。Kelly Blog：http://hk.myblog.yahoo.com/kelly_dogshelter 
Kelly的狗場有 200多隻狗，她指領養者多選小狗，故剩下的多為成年狗。
盧勁業攝
特稿漁護署去年捕逾萬貓狗
港人不停購買寵物的同時，每年有大批寵物被遺棄。漁護署於去年捕獲約 10,430隻流浪貓狗，愛護動物協會過去兩年收到棄養動物各逾 1,000隻。若最後無人領養，便可能會遭人道毀滅。本港不少愛護動物組織呼籲盡量不要光顧寵物店，並領養寵物。
忌買未戒奶狗仔
香港救狗之家幹事高令儀表示，很多人在寵物店因見到貓狗可愛，一時衝動便購買，「尤其啲未戒奶嘅狗仔，細細隻好得意，但係佢哋免疫力好差，好多有狗瘟同呼吸道感染。有啲無良寵物店會同佢哋打針，例如抗生素，等佢哋望落去精靈活潑，但係買番屋企後狗仔就病態盡現，要醫都要花一大筆錢」。她又指，部份寵物店從非法狗場取狗，環境惡劣且飼養方法不人道。「例如一個籠放幾隻狗逼到郁唔到，有啲唔想狗仔嘈就剪佢哋聲帶」。她表示，現時不少寵物團體都提供領養服務，建議如欲飼養貓狗，盡量到團體領養。《蘋果》記者
留言列表
